დასავლელი ლიდერების გადაწყვეტილებებს რომ არ ბოჭავდეს რუსეთის მხრიდან ბირთვული იარაღის გამოყენების რისკი, ისინი უკრაინის დასახმარებლად ჯარს გაგზავნიდნენ. ამის შესახებ ნატოს სამხედრო კომიტეტის უფროსმა, ჰოლანდიელმა რობ ბაუერმა განაცხადა.


"ავღანეთში ბრძოლა - არ არის იგივე, რაც რუსებთან ბრძოლა უკრაინაში. "თალიბანს" ბირთვული იარაღი არ ჰქონდა, რუსებს აქვთ. მე არ ვამბობ, რომ ეს შეუძლებელია, თუმცა, ჩვენ, როგორც ალიანსი, ვხედავთ ამ რისკს და საჭიროა პოლიტიკური დისკუსია - ვართ თუ არა მზად წავიდეთ ასეთ რისკზე?", - უპასუხა ადმირალმა ჟურნალისტის მიერ დასმულს კითხვას, არის თუ არა მზად ალიანსი უკრაინის მხარდაჭერის გაფართოებისთვის.