დღეს, 12 ნოემბერს, აშშ-ის ახლად არჩეულმა პრეზიდენტმა, დონალდ ტრამპმა განაცხადა, რომ ისრაელში ამერიკის ელჩად არკანზასის ყოფილ გუბერნატორს, მაიკ ჰაკაბის დანიშნავს.

"მაიკი დიდებული საჯარო მოხელე და რწმენის მხრივ ლიდერი იყო მრავალი წლის მანძილზე. მას ისრაელი და ისრაელელი ხალხი უყვარს, და მსგავსად, ისრაელელ ხალხს იგი უყვარს. მაიკი დაუღალავად იმუშავებს, რათა ახლო აღმოსავლეთში მშვიდობა დაამყაროს!", — განაცხადა ტრამპმა

ჰაკაბი მიიჩნევა, როგორც ისრაელის მტკიცე მხარდამჭერი.

ამასთან, ტრამპის პირველი ვადის დროს ისრაელში აშშ-ის ელჩმა, დევიდ ფრიდმანმა განაცხადა, რომ "მოხარულია" ტრამპის გადაწყვეტილებით, ჰაკაბის შერჩევის თაობაზე.