აშშ-ის პრეზიდენტმა, ჯო ბაიდენმა საპრეზიდენტო არჩევნებში რესპუბლიკელი დონალდ ტრამპის გამარჯვების შემდეგ ამერიკელებს მიმართა. ბაიდენმა აღნიშნა, რომ მან ტრამპს არჩევნებში გამარჯვება მიულოცა და განაცხადა, რომ ხელისუფლების მშვიდობიანად და კანონის შესაბამისად გადაცემა 20 იანვარს დემოკრატიის საფუძველს წარმოადგენს.

"ჩვენ ვიღებთ არჩევანს, რომელიც ქვეყანამ გააკეთა. არ შეიძლება მხოლოდ მაშინ გიყვარდეს შენი ქვეყანა, როცა შენ იმარჯვებ, არ შეიძლება მხოლოდ მაშინ გიყვარდეს მოყვასი, როცა მას ეთანხმები", — თქვა ბაიდენმა.

პრეზიდენტის თქმით, ამერიკული საარჩევნო სისტემა პატიოსანი, სამართლიანი და გამჭვირვალეა და მისი ნდობა შეიძლება. ბაიდენი აცხადებს, რომ წარუმატებლობები გარდაუვალია, მაგრამ დანებება "უპატიებელი".

წინასაარჩევნო შტაბის წარმომადგენლებმა განაცხადეს, რომ ბაიდენმა ტრამპი თეთრ სახლში შეხვედრაზე მიიწვია.