ისრაელის პრემიერმინისტრმა ბენიამინ ნეთანიაჰუმ დონალდ ტრამპს აშშ-ის საპრეზიდენტო არჩევნებში გამარჯვება მიულოცა და მის გაპრეზიდენტებას "ისტორიაში უდიდესი დაბრუნება" უწოდა. ნეთანიაჰუს აზრით ეს არის აშშ-ისრაელის ახალი ალიანსის დასაწყისი.

"გილოცავ ისტორიაში უდიდეს დაბრუნებას! შენი ისტორიული დაბრუნება თეთრს სახლში ამერიკისთვის ახალი დასაწყისი და ისრაელისა და ამერიკის დიდებული ალიანსის ხელახალი დადასტურებაა. ეს არის უდიდესი გამარჯვება!", — წერს ნეთანიაჰუ სოციალურ ქსელ X-ზე.