სტუდენტურმა მოძრაობა დაფიონმა 29 ოქტომბერს, 19:00 საათზე აქცია დააანონსა.

დაფიონის განცხადებაში ნათქვამია, რომ ოპოზიციამ ხელისუფლებას 24 საათი მისცა საარჩევნო სიების გამოსაქვეყნებლად და ახალგაზრდობა იქნება ამ ულტიმატუმის გარანტი.

"დადგა გადამწყვეტი მომენტი! დაღუპვის კარსა ვართ მიმდგარი... დროა დავდგეთ ერთად და გავერთიანდეთ!
მამულისათვის!
გვერდზე უნდა გადავდოთ ყველა ჩვენი უთანხმოება.
მამულისათვის!
გვერდზე უნდა გადავდოთ პირადი ცხოვრება.
მამულისათვის!
გვერდზე უნდა გადავდოთ ყოველგვარი შიში.
და მამულისათვის უნდა გავძლიერდეთ, გავერთიანდეთ.
ოპოზიციამ ხელისუფლებას მისცა 24 საათი სიების გამოსაქვეყნებლად.
ახალგაზრდობა ვიქნებით გარანტი ამ ულტიმატუმისა!
პირველ რიგში არალეგიტიმურ ხელისუფლებას საქმე ექნება ქართველ ახალგაზრდებთან!
გავიმარჯვებთ სახელოვნად.
29 ოქტომბერს, ვიკრიბებით თსუ-სთან და მარშით მივემართებით პარლამენტისკენ", ნათქვამია განცხადებაში.

გუშინ ახალგაზრდებმა პარლამენტთან შეკრებილებს განუცხადეს, რომ 29 ოქტომბერს, 19:00 საათზე, ისინი თბილისის სახელმწიფო უნივერსიტეტთან შეიკრიბებიან და მარშით პარლამენტთან მივლენ.

"შევხვდებით ხვალ და ვიბრძოლებთ ბოლომდე", — განაცხადეს სტუდენტებმა.