ცოტა ხნის წინ, თბილისში, მთაწმინდაზე სროლის შედეგად ახალგაზრდა კაცი მოკლეს. საზოგადოებრივი მაუწყებლის ინფორმაციით, ფეხით მიმავალ კაცს მოტოციკლზე მჯდომმა პირმა ესროლა და ადგილიდან მიიმალა.

შინაგან საქმეთა სამინისტროში On.ge-ს განუცხადეს, რომ გამოძიება 108-ე და 236-ე მუხლებით მიმდინარეობს, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.