ქვიზი შექმნილია პროექტის "შევამციროთ პლასტმასით დაბინძურება" ფარგლებში, რომელსაც ახორციელებს CENN, გაეროს განვითარების პროგრამისა (UNDP) და ნორვეგიის მხარდაჭერით.

დღევანდელ მსოფლიოში პლასტმასას ძალიან დიდი ოდენობით ვაწარმოებთ და მოვიხმართ. ის შემდეგ გარემოში ხვდება და მას აბინძურებს. ასეთ ნარჩენებს ბუნებასა და ადამიანზე უარყოფითი გავლენა აქვს, მაგრამ რამდენად კარგად აცნობიერებს თითოეული ჩვენგანი საფრთხეებს?

ამის გაგებაში წინამდებარე ტესტი დაგვეხმარება, რომელიც ცოდნის შემოწმების საშუალებას იძლევა.

ტესტი: იცი, რა ზიანი მოაქვს პლასტმასის წარმოებასა და მოხმარებას?

ტესტის დაწყება

1 / 10 რა როლი აქვს პლასტმასის წარმოებას კლიმატის ცვლილებაში?

• ატმოსფეროში დამცავი შრის ფორმირებას უწყობს ხელს
• მისი წარმოებისას სათბურის აირები გამოიყოფა
• ჰაერიდან ნახშირორჟანგს შთანთქავს
• წიაღისეული საწვავის მოხმარებას ამცირებს

2 / 10 როგორ ფიქრობ, რა დრო სჭირდება პლასტმასის ბოთლის დაშლას?

• 450 წელი
• 5 თვე
• 70 წელი
• 1 კვირა

3 / 10 დაახლოებით რა ოდენობის პლასტმასა ხვდება ოკეანეებში ყოველწლიურად?

• 11 მილიონი ტონა
• 550 ტონა
• 700 კილოგრამი
• 980 კილოგრამი

4 / 10 რა გავლენა აქვს პლასტმასის ნარჩენებს წყლის ბინადრებზე?

• ნარჩენებს თავშესაფრად იყენებენ
• ნარჩენების დაშლისას გამოყოფილი ნივთიერებებით სარგებელს იღებენ
• საკვებში ერევათ და ჭამენ, რაც მათ ჯანმრთელობას ვნებს
• გავლენა არ აქვს

5 / 10 რა გზით შეიძლება მოხვდეს პლასტმასის მიკრონაწილაკები ადამიანის ორგანიზმში?

• საკვებიდან
• წყლიდან
• ყველა პასუხი სწორია
• ჰაერიდან

6 / 10 რა ხდება, როცა ჩვენს ორგანიზმში მიკროპლასტმასა ხვდება?

• საჭმლის მონელება უმჯობესდება
• ჰორმონული დისბალანსისა და სიმსივნის რისკი იმატებს
• იმუნიტეტი ძლიერდება
• წონაში ვიკლებთ

7 / 10 რა გავლენა აქვს პლასტმასის ნარჩენებს ნიადაგზე?

• მცენარეების უფრო სწრაფ ზრდას უწყობს ხელს
• სასუქის როლს ასრულებს
• ნიადაგის ნაყოფიერებას აუმჯობესებს
• ნიადაგს აბინძურებს და მცენარეების ზრდას უშლის ხელს

8 / 10 დაასრულეთ წინადადება: პლასტმასის ერთჯერადი ჭურჭლის წარმოება...

• დიდი ოდენობით წიაღისეულ საწვავს საჭიროებს
• პლასტმასის ნარჩენებს ამცირებს
• ენერგიის განახლებად წყაროებს საჭიროებს
• ენერგოეფექტიანია

9 / 10 პლასტმასის ნარჩენების რა ნაწილი გადამუშავდება ყოველწლიურად?

• 90%
• თითქმის 50%
• 10%-ზე ნაკლები
• 2%

10 / 10 დაბოლოს, როგორ აისახება პლასტმასით დაბინძურება მარჯნის რიფებზე?

• მათ აზიანებს და დაავადებების გავრცელებას უწყობს ხელს
• მარჯნებამდე საკვები ნივთიერებები მიაქვს
• არ აისახება, რადგან მარჯნის რიფები ნარჩენებს შთანთქავს და ოკეანეს ასუფთავებს
• მათ ზრდას უწყობს ხელს

ერთი წუთით...

საქართველოში ნარჩენების მართვის, ცირკულარული ეკონომიკის პრინციპების დანერგვისა და რესურსების მდგრადი მოხმარების კულტურის წახალისების მიზნით, ევროკავშირის ფინანსური მხარდაჭერით მიმდინარე ფართომასშტაბიანი პროექტის — "ცირკულარული ქალაქები და რეგიონები საქართველოში" — ფარგლებში, CENN ICLEI Europe-თან თანამშრომლობით აგრძელებს მუშაობას აღნიშნული მიმართულებით. პროექტის მიზანია საქართველოში კლიმატ-მედეგობის გაძლიერება და სამართლიანი გარდაქმნის პროცესის მხარდაჭერა ნარჩენების შემცირებისა და ცირკულარული ეკონომიკის დაგეგმვისა და განხორციელების ხელშეწყობის გზით. გაიგეთ მეტი პროექტის შესახებ აქ.