31 აგვისტოს, ხალხის გულების პრინცესას, ლედი დაიანას გარდაცვალებიდან 20 წელი გავა. ზუსტად ამდენივე დროა გასული, რაც საუბარი არ წყდება იმაზე, თუ რა მოხდა 1997 წლის საბედისწერო ღამეს, როდესაც პრინცესას მანქანა პარიზში ავარიაში მოყვა.

ბრიტანული დაზვერვის ყოფილი თანამშრომელი ალან მაკგრეგორი ფიქრობს, რომ სამეფო ოჯახის წევრი შესაძლოა მოკლეს.

მისი თქმით, პარიზში სასტუმროში, სადაც დაიანა სიკვდილამდე ცოტა ხნით ადრე იმყოფებოდა, უსაფრთხოების ზომები საკმარისად დაცული არ იყო.

მაკგრეგორის თქმით, ავტომობილი რომლითაც დაიანა გადაადგილდებოდა საერთო ავტოსადგომზე იყო, რეალურად კი პროტოკოლის მიხედვით ის სპეციალურ დაცულ ავტოსადგომზე უნდა გადაეყვანათ.

"სასტუმროს ეზოში, სადაც ლედი დის მანქანა ეყენა, ნებისმიერ ადამიანს შეეძლო გავლა. აქამდე მისი მანქანა ყოველთვის დაცულ ავტოსადგომზე ეყენა, იმ ღამით კი რატომღაც არავის მოაფიქრდა მისი იქ შეყვანა. შესაძლოა ის მართლაც უბედური შემთხვევის მსხვერპლია, მაგრამ მგონია, რომ მისი ავარია წინასწარ დაიგეგმა", ამბობს ალანი.

სხვადასხვა ტაბლოიდები წლების განმავლობაში დაიანას სიკვდილში კამილა პარკერს [პრინც ჩარლზის ამჟამინდელი ცოლი] ადანაშაულებენ და ამბობენ, რომ მან სწორედ ამ გზით ჩამოიშორა ლედი დი.

აქტიურად საუბრობენ იმაზეც, რომ დაიანას, ჯერ კიდევ ჩარლზთან ქორწინების დროს პარალელურად, კამილასთან ურთიერთობაც უწევდა, რადგან პრინცი მასთან დაშორებას არ აპირებდა.

კვლავ აქტუალურია თეორია იმის შესახებ, რომ ელიზაბეტ მეორემ და კამილამ დიანას თავიდან მოსაშორებლად მას მკვლელი მიუგზავნეს. ამას გასამყარებლად კი ამბობენ, რომ ავარიის შემდეგ სასწრაფო თითქმის ერთი საათის შემდეგ მივიდა ადგილზე, სადაც დაიანა ცოცხალი დახვდათ, შემდეგ კი ის საავადმყოფოში გადაიყვანეს, სადაც გარდაიცვალა კიდეც.

ამ თემაზე ოფიციალური განცხადება არც სამეფო ოჯახს და არც სამართალდამცავებს 20 წელია არ გაუკეთებიათ. პრესა კი აქტიურად განიხილავს სხვადასხვა თეორიებს იმაზე, თუ ვის აწყობდა დაიანას სიკვდილი.

ან იქნებ მართლაც უბედური შემთხვევა იყო? ამ საიდუმლოს ფარდა ალბათ არასდროს აეხდება.

პრინცესა დიანა 1997 წლის 31 აგვისტოს ავტოკატასტროფაში დაიღუპა. მასთან ერთად ეგვიპტელი მილიარდერის მუჰამედ ალ ფაიედის შვილი დოდი ალ ფაიედი და მძღოლი იმყოფებოდნენ, რომლებიც ასევე დაიღუპნენ. დაიანას გარდაცვალებიდან 20 წლის თავზე კი მის შესახებს ფილმს, სერიალსა და გადაცემას გადაიღებენ.