HBO-მ დააანონსა, რომ პრინცესა დაიანას გარდაცვალებიდან ოცი წლის თავზე მის შესახებ დოკუმენტურ ფილმს გამოუშვებს.

დოკუმენტურ ფილმში ვიხილავთ ინტერვიუებს ლედი დის შვილებთან, კემბრიჯის ჰერცოგ უილიამთან და პრინც ჰარისთან, რომლებიც საუბრობენ თუ რა გავლენა ჰქონდა დაიანას მათ ცხოვრებაზე.

HBO-ს განცხადებით, ამავე ფილმში ვიხილავთ თითქმის ყველა იმ ადამიანს, რომლებსაც ახლო ურთიერთობა ჰქონდა პრინცესასთან და პირველად ალაპარაკდებიან მისი გარდაცვალების მიზეზებზე.

დოკუმენტური ფილმი პრინცესა დიანას შესახებ არ არის ერთადერთი, რომელიც 2017 წელს მისი გარდაცვალების წლისთავს მიეძღვნება. 2017 წლის თებერვალში ABC-მ განაცხადა, რომ აგვისტოში პრინცესას შესახებ სპეციალურ, ოთხსაათიან გადაცემას მოამზადებს.

FX და რაიან მერფი კი ლედი დის შესახებ სერიალს გადაიღებენ, სადაც მთავარ როლს სარა პოლსონი შეასრულებს.

გარდა ამისა, სპეციალურ გადაცემებს CBC და NBC-იც გააკეთებენ.

ცოტა ხნის წინ, პრინცი ჰარი დედის გარდაცვალების შესახებ პირველად ალაპარაკდა და თქვა, რომ ტრაგედიის შემდეგ ფსიქოლოგიურ პრობლემები ჰქონდა.

აგვისტოში პრინცესა დაიანას გარდაცვალებიდან 20 წელი სრულდება. ამ ტრაგიკული ამბის აღსანიშნად, სამეფო ოჯახი კენსინგტონის სასახლის ბაღში მისი ძეგლის დადგმას აპირებს.

"დედას გარდაცვალებიდან 20 წელი გავიდა. ვიმედოვნებთ, რომ მემორიალი ყველა მნახველს დააფიქრებს მის ცხოვრებაზე და იმ საქმეზე რასაც ხალხის გულების პრინცესა აკეთებდა".

როგორც ცნობილია პრინცების ინიციატივას დედოფალმა ელიზაბეტ მეორემაც დაუჭირა მხარი, მიუხედავად იმისა, რომ მას დაიანასთან დაძაბული ურთიერთობა ჰქონდა და ბევრი მის სიკვდილში სწორედ ელისაბედს ადანაშაულებს.

პრინცესა დაიანა 1997 წლის 31 აგვისტოს, 36 წლის ასაკში, პარიზში მომხდარ ავტოკატასტროფის დროს დაიღუპა.