საავტომობილო გზების დეპარტამენტის ინფორმაციით, რაჭაში ჩამოწოლილი მეწყერის შემდეგ, წესი-ურავის საავტომობილო გზის მე-5 კმ-ზე ძლიერი ქვის ცვენის გამო, ყოველდღიურად, საღამოს 19 საათიდან დილის 7 საათამდე იკრძალება ყველა სახის ავტოტრანსპორტის მოძრაობა, ხოლო დღე-ღამის დანარჩენ პერიოდში ავტოტრანსპორტის მოძრაობა თავისუფალია.

უწყების ცნობით, აღნიშნული რეჟიმით მოძრაობა განხორციელდება შსს-ს შესაბამისი რეგიონული ქვედანაყოფების უშუალო ზედამხედველობით და კოორდინაციით. სამ სოფელთან დამაკავშირებელ გზაზე მთის ნაწილი გუშინ ჩამოიშალა.