თაივანის ხელისუფლებამ სტრატეგიულ წერტილებში არმიის ნაწილები, ჯამში 15000 ჯარისკაცი განალაგა, რამდენიმე ქალაქში კი სკოლები და ოფისები დახურა — კუნძულს ძლიერი ქარიშხალი უახლოვდება, რომელიც რამდენიმე დღის განმავლობაში გაგრძელდება.

სუპერ ქარიშხალი კრათონი, რომლის სიმძლავრეც მე-4 კატეგორიის ატლანტიკური ქარიშხლისას უტოლდება, ამ მომენტში თაივანსა და ფილიპინებს შორის, ლუსონის სრუტეშია. ქარის სიჩქარე ქარიშხლის ეპიცენტრში 240 კმ/სთ-ს აღწევს.

მოსალოდნელია, რომ 2 ოქტომბრის საღამოს თაივანის საპორტო ქალაქ გაოსიუნამდე მიღწევამდე ქარიშხალი ოდნავ შესუსტდება.

შტორმმა ფილიპინების უკიდურესი ჩრდილოეთის კუნძულებს უკვე გადაუარა და ქვეყნის სამ რეგიონში 23000 ოჯახი დააზარალა. ნალექის სისქემ 100-200მმ შეადგინა.

თაივანის პრეზიდენტმა მოსახლეობა პოტენციური დამანგრეველი ზიანის შესახებ გააფრთხილა და მოუწოდა თითოეულ მოქალაქეს, რომ ძალიან ფრთხილად და ყურადღებით იყონ.

კრათონი მეორე ქარიშხალია, რომელიც 2024 წელს თაივანის სანაპირომდე მიაღწევს. ივლისში კუნძულს ქარიშხალე გაემი დაატყდა და 11 ადამიანის სიცოცხლე იმსხვერპლა.