გერმანიამ, 2021 წელს თალიბანის ავღანეთის ხელისუფლებაში დაბრუნების შემდეგ, პირველად დაადეპორტა კრიმინალურ აქტორებთან დაკავშირებული 28 ავღანეთის მოქალაქე.

"ეს ავღანელი მოქალაქეები, კრიმინალურ საქმიანობებში იყვნენ ჩართულები და არ ჰქონდათ გერმანიაში დარჩენის უფლება, შესაბამისად მათი დეპორტაციის გადაწყვეტილება მივიღეთ". — თქვა გერმანიის მთავრობის სპიკერმა შტეფენ ჰებესტრეიტი.

გერმანული პრეს-სააგენტოს ცნობით, ყველა დეპორტირებული კაცია,

"იქამდე, სანამ თალიბანის იქცევა ისე, როგორც იქცევა, მანამდე არანაირი შესაძლებლობა არ არსებობს ურთიერთობის დასტაბილურების", — განმარტავს სპიკერი.

გერმანიის მთავრობას დეპორტაციის საკითხების განხილვა შემოვლითი გზებით მოუწია, რადგან გერმანიას დიპლომატიური ურთიერთობები თალიბანის მთავრობასთან 3 წელია გაწყვეტილი აქვს.

გერმანული გამოცემის Der Spiegel-ის ინფორმაციით აღნიშნული პირების დეპორტაცია, დაახლოებით ორთვიანი "საიდუმლო მოლაპარაკებების" შედეგია, რომელიც კატარის შუამავლობით იგეგმებოდა.

როგორც სპიკერმა განმარტა, დეპორტაციის საკითხი თვეების განმავლობაში მიმდინარეობდა, თუმცა გერმანიამ მოქმედება იმის შემდეგ დაიწყო, რაც სირიელმა მოქალაქემ, ქალაქ სოლინგემის ფესტივალზე სამი ადამიანი დანით მოკლა.

სირიელი წინა წელს ბულგარეთში უნდა დაედეპორტებინათ, თუმცა გაქრა და თავიდან აცილა დეპორტაცია. ISIS-მა ყველანაირი მტკიცებულების გარეშე, საკუთარ თავზე აიღო პასუხისმგებლობა.

მას შემდეგ, რაც ავღანელმა ემიგრანტმა ქალაქ მანჰეიმში ერთი პოლიციელი და ოთხი პირი დააზიანა, გერმანიის კანცლერმა ოლაფ შოლცმა პირობა დადო, რომ გერმანია ავღანელი და სირიელი კრიმინალების დეპორტირებას დაიწყებდა.

"ეს მკაფიო სიგნალია, რომ ისინი ვინც კრიმინალს სჩადიან, არ უნდა ჰქონდეთ ჩვენი იმედი, რომ არ დავადეპორტებთ" — თქვა მან.

გერმანიის მხრიდან ავღანეთში დეპორტაციები იმის შემდეგ შეწყდა, რაც თალიბანი ხელისუფლებაში დაბრუნდა და ქაბულში ქვეყნის საელჩო დაიხურა.

მოქალქეების დეპორტაცია ავღანეთში, იქ არსებული ადამიანის უფლებების დარღვევების გამო დიდი ხანია უფლებადამცველების მხრიდან კრიტიკის საგანია.

Amnesty International-მა გერმანიაში განაცხადა, რომ " ე.წ სახიფათო პირების ძალადობრივი ტრანსფერი ავღანეთსა და სირიაში, არ შეესაბამება საერთაშორისო სამართლის პრინციპებს"

"ჩვენ ყველას გვაქვს ადამიანური უფლება — და არავინ არ უნდა იყოს დეპორტირებული ქვეყანაში, სადაც ყველგან წამების რისკია" — თქვა Amnesty Internationl-მა.