18-19 აგვისტოს, რუსეთის პრეზიდენტი ვლადიმერ პუტინი სამთავრობო ვიზიტით აზერბაიჯანის პრეზიდენტ ილჰამ ალიევს ქვეყანაში ეწვევა.

კრემლის განცხადებით, საუბარი შეეხება რუსეთ-აზერბაიჯანის მომავალ, სტატეგიულ ურთიერთობებსა და ალიანსის განვითარებას. ასევე, იქნება საუბარი ახლანდელ საერთაშორისო და რეგიონულ პრობლემებზე.

განცხადებაში ნათქვამია, რომ დაგეგმილია სახელმწიფოს მეთაურების მიერ ერთობლივი განცხადების მიღება და ვიზიტის ბოლოს სამთავრობათაშორისო და სხვა დოკუმენტების ხელმოწერა.

რუსეთის პრეზიდენტი ვლადიმერ პუტინი უკანასკნელად აზერბაიჯანში 2018 წელს იმყოფებოდა.