გახსოვთ PSG - ბარსელონას დრამატული დაპირისპირება, როცა პარიზელებმა, ჩემპიონთა ლიგის მერვედფინალის პირველ მატჩში, კატალონიელები 4-0 დაამარცხეს, ხოლო საპასუხო შეხვედრა 6-1 წააგეს და გამოვარდნენ?

მაშინ PSG-ს გულშემატკივარი შოკში ჩავარდა, მაგრამ არც ერთი მათგანი ისეთ შარში არ გახვეულა, როგორშიც მონ-დე-მარსანის მერი შარლ დაიო, რომელმაც პირობა დადო, რომ თუ ჩემპიონთა ლიგის მომდევნო ეტაპზე ბარსელონა გავიდოდა, ის ვირთხას შეჭამდა და არჩევნებში ჟან ლუკ მელანშონს მისცემდა ხმას.

როგორც დაიომ მოგვიანებით განაცხადა, არჩევნებში ხმა მელანშონისთვის არ მიუცია, მაგრამ მეორე პირობის შესრულებას ნამდვილად აპირებდა.

ჰოდა, ეს დღეც დადგა და რამდენიმე დღის წინ, ერთ-ერთ ადგილობრივ ფესტივალზე მერმა შემწვარი ვირთხა მიირთვა, ხოლო წინსაფრად PSG-ს მაისური გამოიყენა.