საქართველოს ფინანსთა სამინისტროს საგამოძიებო სამსახურის ინფორმაციით, ყალბი დოკუმენტების დამზადება-გამოყენების გზით, დიდი ოდენობით მიწის ნაკვეთის თაღლითურად დაუფლების მცდელობის ფაქტზე, დააკავეს სამი პირი, მათ ორის ერთი უცხოეთის მოქალაქე.

ბრალდება 6-დან 9-წლამდე ვადით პატიმრობას ითვალისწინებს.

გამოძიებით დადგინდა, რომ ბრალდებულებმა საზღვარგარეთ დაამზადეს ყალბი მინდობილობა, რომლითაც მესაკუთრე თითქოსდა ანიჭებდა უფლებამოსილებას ერთ-ერთ ბრალდებულს მისი მიწის ნაკვეთი გაესხვისებინა.

აღნიშნული ყალბი მინდობილობის საფუძველზე, გაფორმებულ იქნა კახეთის რეგიონში მდებარე 2 710 000 კვ.მ. მიწის ნაკვეთის ნასყიდობის ფიქციური ხელშეკრულება, რომელიც რეგისტრაციის მიზნით წარდგენილ იქნა საჯარო რეესტრის ეროვნულ სააგენტოში.