"დამტკიცდა სასკოლო კვების პროგრამა, 1-2 თვეში შეგვეძლება ვთქვათ, რომელ სკოლაში და რეგიონში დავიწყებთ" — ამილახვარი
![გიორგი ამილახვარი](http://monica.on.ge/2024/03/05/e6496aad-f8e8-48b0-a5d6-419cac8d0b09.jpg)
ფოტო: მთავრობის ადმინისტრაცია
მოკლედ: განათლებისა და მეცნიერების მინისტრის, გიორგი ამილახვრის თქმით, სამინისტრომ თითოეული სკოლა შეისწავლა და სასკოლო კვებასთან დაკავშირებით, კონკრეტული მოდელები დაიგეგმა.
- "მინდა საზოგადოებას დავპირდე, 1-2 თვის ფარგლებში, ჩვენ უკვე შევძლებთ გაცნობოთ, კონკრეტული მოდელებით და კონკრეტული ვადებით, რომელ სკოლაში და რომელ რეგიონში დავიწყებთ ამ პროგრამას", — განაცხადა მინისტრმა დღეს, 13 ივნისს, საქართველოს პარლამენტში, სადაც "მინისტრის საათის" ფორმატში წარსდგა.
დეტალები: ამილახვრის თქმით, ყველა საჯარო და კერძო სკოლის ბუფეტებში, განსაზღვრეს ჰიგიენის მინიმალური სტანდარტები და სურსათის უვნებლობის პროდუქტთა ჩამონათვალი, რომელიც დასაშვებია ან არ არის დასაშვები სასკოლო სივრცეში.
- "არის ასეთი საერთაშორისო ორგანიზაცია — კვება, ჯანმრთელობა და განათლება ყველა ბავშვისთვის, რომლის წევრი გახდა ჩვენი სამინისტრო, სადაც ეროვნული ვალდებულებები განვსაზღვრეთ და გავიზიარებთ წარმატებული ქვეყნების მაგალითსა და გამოცდილებას", — თქვა გიორგი ამილახვარმა.
მონაცემებში — სასკოლო კვების პრობლემა საქართველოში: საქართველო, მსოფლიოს ქვეყნების იმ 10%-შია, სადაც სასკოლო კვების პროგრამა ჯერ არ დანერგილა.
- ჯანდაცვის სამინისტროს 2020 წლის დოკუმენტის მიხედვით, კვების ობიექტები საჯარო სკოლების მხოლოდ 30%-შია, რომელთა უმეტესობა თბილისსა და სხვა ურბანულ დასახლებებშია.
- სოფლად კი, სკოლების დაახლოებით 90%-ს ბუფეტი საერთოდ არ აქვს.
გაიგე მეტი: როგორ გადავჭრათ ბავშვების სკოლაში შიმშილის პრობლემა — გამოსავლის გზები
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები