ისრაელის თავდაცვის მინისტრმა ისრაელ კაცმა ჟურნალისტებთან საუბრისას განაცხადა, რომ ისრაელი ირანის უზენაესი ლიდერის, აიათოლა ალი ხამენეის ლიკვიდაციას 12-დღიანი კონფლიქტის განმავლობაში ცდილობდა, მაგრამ ამის შესაძლებლობა არ მიეცა. ამის შესახებ ინფორმაციას Times Of Israel ავრცელებს.

"რომ დაგვენახა, აუცილებლად გავანადგურებდით," ― განაცხადა კაცმა და აღნიშნა, რომ ისრაელმა "ძალიან ბევრი ეძება" ხამენეი, მაგრამ ხამენეის ლიკვიდირების ოპერაციული შესაძლებლობა არ გამოჩენილა.

ისრაელ კაცის თქმით, ისრაელს არ ჰქონდა ინფორმაცია ირანის გამდიდრებული ურანის ყველა ობიექტის მდებარეობის შესახებ და მიუხედავად ამისა, ომში ისე ჩაერთო, რომ არ იცოდა თუ აშშ შეუერთდებოდა შეტევას.

კაცმა ინტერვიუებში თქვა, რომ ირანის ლიდერი ლიკვიდაციის სამიზნე იყო, მაგრამ ისრაელმა ვერ მოახერხა მისი პოვნა მას შემდეგ, რაც ის ბუნკერში დაიმალა:

"ხამენეიმ ეს გაიგო, ძალიან ღრმად ჩაიმალა მიწის ქვეშ, შეწყვიტა კონტაქტი სარდლებთან… ასე რომ, საბოლოოდ ეს რეალისტური არ აღმოჩნდა,"― განუცხადა მან არხ "ქან"-ს.