ყველასთვის საყვარელი ლურჯი უცხოპლანეტელი ჰავაიზე ახალი თავგადასავალებით ბრუნდება. სულ ახლახან დისნეიმ ლილო და სტიჩი-ის ახალი ფილმი დააანონსა.

კინოთეატრებში წარმატებული დებიუტის შემდეგ, ფილმმა ლილო და სტიჩმა დისნეის დაუმტკიცა, რომ ანიმაციური ფილმების მხატვრულ ფილმად გადაქცევა შეიძლება ძალიან მომგებიანი იყოს. სტუდიამ განაცხადა, რომ სტიჩის თავგადასავალი ჯერ კიდევ შორს არის დასასრულისგან — ლილო და სტიჩი 2 უკვე განვითარების პროცესშია.

ფოტო: IMDB

დისნეიმ ანონსი სახალისო ვიდეოთი გააკეთა, რომელშიც სტიჩი დისნეის სტუდიის ავტოსადგომზე მოძრაობს ვარდისფერი მანქანით, საბოლოოდ, სტიჩი შენობაზე რიცხვ 2-ს ხედავს და გადაწყვეტს, რომ მასაც სურს ის. ვიდეო მთავრდება წარწერით — ლილო & სტიჩი 2, რის შემდეგაც დისნეი ეკრანზე ამატებს წარწერას — "დამუშავების პროცესშია".

ფილმმა მალევე მოიპოვა მაყურებლების სიყვარული და 900 მილიონ დოლარზე მეტი შემოსავლით მან 2025 წლის ყველაზე შემოსავლიან ფილმებს შორის მესამე ადგილი დაიკავა.

სტიჩის თავგადასავალმა სხვა გიგანტურ ფილმებს, როგორებიცაა შეუსრულებელი მისია: უკანასკნელი ანგარიშსწორებასა და მარველის Thunderbolts-ს მნიშვნელოვნად გადააჭარბა.

ჯერჯერობით უცნობია, როდის ვიხილავთ სტიჩის მორიგ თავგადასავალს, ფილმის გულშემატკივრებს ისღა დაგვრჩენია ლილო და სტიჩის ანიმაციურ ფილმებს კიდევ ერთხელ გადავავლოთ თვალი და გულმოდგინებით დაველოდოთ ფილმის ახალ ნაწილს.

მანამდე კი, შეგვიძლია ლილო და სტიჩი 2-ის ანონსი ვნახოთ: