დღეს ქართული ოცნების პარლამენტის პლენარულ სხდომაზე, ირაკლი კობახიძე მოხსენებით წარდგება. იგი სამთავრობო პროგრამის შესრულების მიმდინარეობის შესახებ ისაუბრებს. ამის შესახებ ინფორმაციას პარლამენტი ავრცელებს.

"საქართველოს პარლამენტის სასახლეში უსაფრთხოების დაცვის წესის დამტკიცების თაობაზე" საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, მიმდინარე წლის 27 ივნისს, პარლამენტის სასახლეში იმოქმედებს უსაფრთხოების ყვითელი დონე, შესაბამისად, ვიზიტორების შესვლა შეზღუდული იქნება.

დაგეგმილ საპარლამენტო ღონისძიებებზე (მათ შორის: კომიტეტების და პლენარულ სხდომებზე) მხოლოდ შესაბამისი სტრუქტურული ერთეულების მიერ მოწვეული პირები დაიშვებიან.

შენობაში ნებადართულია ტელემაუწყებლების/ტელემედია საშუალებების აკრედიტებული არაუმეტეს სამი ჯგუფის (თითო მაუწყებლიდან) შესვლა, საპარლამენტო ღონისძიებების დასრულებამდე.

შენობაში არ დაიშვებიან ონლაინმედიის წარმომადგენლები.

"აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა," ― წერია პარლამენტის მიერ გავრცელებულ ინფორმაციაში.