მოკლედ: რუსული კანონის წინააღმდეგ პროტესტი თბილისში დღესაც გრძელდება.

  • დაგეგმილია გზის გადაკეტვა, საკანონმდებლო ორგანოსთან კი — საპროტესტო აქცია.

დეტალები: ახალგაზრდები, თვითორგანიზებით გეგმავენ, 18 საათისთვის გმირთა მოედანი გადაკეტონ.

საპარლამენტო ოპოზიციის წარმომადგენლებმა კი 19 საათზე, პარლამენტის წინ საპროტესტო აქცია დააანონსეს. მათ დღეს ერთობლივი ბრიფინგიც გამართეს.

  • დეპუტატები პარლამენტში მივიდნენ, თუმცა იმის გამო, რომ იქ უსაფრთხოების წითელი დონე მოქმედებს, შენობაში შესვლა ვერ შეძლეს. ამიტომ, ჟურნალისტებს შენობის გარეთ ესაუბრნენ.
  • "ვფიქრობ, მათ გათვითცნობიერებული აქვთ, რომ სპეცრაზმის გარეშე გადაადგილებაც არ შეუძლიათ, ახლა საპარლამენტო დარბაზში გამოჩენაც ეშინიათ მაშინ, როდესაც რიცხობრივად მეტი არიან", — თქვა ხატია დეკანოიძემ და მოუწოდა მოქალაქეებს, დღესაც მივიდნენ პარლამენტთან პროტესტისთვის 19:00 საათზე. "დღეს 19:00 საათზე კვლავ პარლამენტთან არის პროტესტი და შევიკრიბოთ ყველა ერთად, რათა საქართველოს გეოპოლიტიკური არჩევანი რუსეთი არ იყოს."

ბოლო ხაზი: უსაფრთხოების წითელი დონე პარლამენტში გუშინ ღამით, აქციის მიმდინარეობისას ამოქმედდა.

  • წითელი დონის დროს ყველა პირი ვალდებულია, დატოვოს პარლამენტის შენობა, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა.
  • "აღნიშნული ღონისძიების მიზანია საქართველოს პარლამენტის სასახლეში მყოფი პირების სიცოცხლისა და ჯანმრთელობის დაცვა", — წერია პარლამენტის მიერ გუშინ გავრცელებულ განცხადებაში.
  • სწორედ ეს არის მიზეზი, რომ დღეს აღარ გაიმართა ბიუროსა და პლენარული სხდომები. დღეს, მინისტრის საათის ფარგლებში, პარლამენტში საგარეო საქმეთა მინისტრისთვის უნდა მოესმინათ.