ქვიზი: შეგიძლია თუ არა დაეხმარო მეგობარს?
![](http://rachel.on.ge/2024/04/30/_-01_720.jpg)
ფოტო: საფარი
ქალებზე სხვადასხვა ფორმით ძალადობა დღემდე გადაუჭრელ პრობლემად რჩება. პარტნიორის, ყოფილი პარტნიორის თუ სხვა ადამიანების მიერ, არაერთი ქალი გამხდარა შანტაჟისა და მუქარის მსხვერპლი.
ასეთი შემთხვევების დროს, მნიშვნელოვანია ვიცოდეთ საკუთარი უფლებები და გვახსოვდეს, რომ არსებობს შესაბამისი უწყებები, რომლებსაც აქვთ ჩვენი დაცვის ვალდებულება.
შეავსე ქვიზი და შეამოწმე საკუთარი ცოდნა. ვნახოთ, შეგიძლია თუ არა დაეხმარო მეგობარს:
ქვიზი: შეგიძლია თუ არა დაეხმარო მეგობარს?
ტესტის დაწყება1 / 9 წარმოიდგინე: შემთხვევით გაიგე, რომ ვიღაცამ შენი ფოტო შენი სურვილის საწინააღმდეგოდ შეინახა, თუმცა არსად არ გაუზიარებია. შენი მოთხოვნის მიუხედავად, ის არ აპირებს ამ ფოტოს წაშლას. შენი აზრით, ეს ქმედება დანაშაულია?
![](http://joey.on.ge/2024/04/19/hand-drawn-people-being-overwhelmed-illustration_23-2149321492.jpg)
Freepik
- სხვისი ფოტოს უნებართვოდ შენახვაც დანაშაულია და ისჯება კანონით
- თუ შეინახა და არ აზიარებს — არ არის დანაშაული
- რა ვიცი, ჰქონდეს, ჩემს ფოტოზე უკეთესი რა უნდა შეინახოს?!
2 / 9 მეგობარი გირეკავს და ანერვიულებული გიყვება, რომ მისი ყოფილი პარტნიორი მისი ინტიმური ფოტოების გასაჯაროებით ემუქრება. შენ ამ დროს:
![](http://joey.on.ge/2024/04/19/lana_marandina.jpg)
Dribbble
- ვეტყვი, რომ მიმართოს სპეციალურ საგამოძიებო სამსახურს, რომელიც მსგავს ფაქტებს იძიებს
- მის ყოფილ პარტნიორს მობილურს დავულეწავ და ვეღარ გაუვრცელებს
- მოსმენის და თანაგრძნობის გარდა რა ვქნა?!
3 / 9 მეგობარი გაურკვევლობაშია, რადგან არ იცის სპეციალური საგამოძიებო სამსახურის შესახებ. შენ ამ დროს უხსნი, რომ:
![](http://monica.on.ge/2024/04/19/flat-people-asking-questions-illustration_23-2148923410.jpg)
Freepik
- სპეციალური საგამოძიებო სამსახური არის დამოუკიდებელი საგამოძიებო სახელმწიფო ორგანო და მუშაობს მთელი საქართველოს მასშტაბით
- არც შენ იცი ზუსტად, მაგრამ სიტყვაზე გენდოს!
- სპეციალური საგამოძიებო სამსახური იგივე პოლიციაა
4 / 9 შენი მეგობარი ფიქრობს, რომ ვერავინ დაეხმარება, რადგან ყოფილი არა საკუთარი, არამედ გამოგონილი სახელი და გვარით, უცხო ექაუნთიდან წერს. შენ ამ დროს:
![](http://monica.on.ge/2024/04/19/Carla_Ladau_653b6b720894e.jpeg)
Dribbble
- ვუხსნი, რომ დამნაშავის დასადგენად სახელის და გვარის გარდა სხვა სპეციალური ხელსაწყოებიც არსებობს და სპეციალური საგამოძიებო სამსახური დაეხმარება
- უკვე გზაში ვარ, რომ დავულეწო მის ყოფილს ტელეფონი!
- ვაიმე, მართლა რა უნდა ვქნათ?!
5 / 9 არსებობს საფრთხე, რომ მიმოწერა, რომელშიც ჩანს, როგორ ემუქრებიან შენს მეგობარს წაიშალოს, შესაბამისად — წაიშალოს დანაშაულის მტკიცებულებებიც. ამისთვის თავის ასარიდებლად:
![](http://chandler.on.ge/2024/04/19/original-ee6767c415f2cc93fdb0eaef00b64c4e.jpg)
Dribbble
- მაგაზე არ მიფიქრია, მაგრამ იქნებ არ წაშალოს, რადგან უკვე დაემუქრა?!
- უმჯობესია, თავიდანვე შევაგროვოთ მტკიცებულებები: გადავიღოთ მუქარის სქრინშოტები, შევინახოთ გავრცელებული მასალის ბმულები და ა.შ.
- აღარ აქვს იმ ადამიანს მობილური, საქმე მოგვარებულია…
6 / 9 შენს მეგობარს კიდევ ერთი შიში გაუჩნდა. ახლა ეს ამბავი ყველამ რომ გაიგოს?
![](http://rachel.on.ge/2024/04/19/hhh.jpg)
Freepik
- ავუხსნი, რომ მსგავს შემთხვევებში გამოძიება კონფიდენციალურობის დაცვით მიმდინარეობს და ამბის გასაჯაროების არ უნდა ეშინოდეს
- ვეტყვი, რომ არ იდარდოს მაგაზე და აღარ იდარდებს.
- იქნებ, არ ღირს მართლა და რამენაირად მშვიდობიანად დავზავდეთ დამნაშავესთან? ხარკი გავუგზავნოთ, მოლაპარაკებების მაგიდას შემოვუსხდეთ…
7 / 9 შენი მეგობარი სასამართლო სხდომის შესახებაც ნერვიულობს: იქ რომ ვინმე ისეთი მოვიდეს, ვისთვისაც ამ ამბის გაზიარება არ უნდა?
![](http://chandler.on.ge/2024/04/19/supreme-court-concept-illustration_114360-10013_66224447143aa.jpg)
Freepik
- ავუხსნი ჩემს მეგობარს, რომ ამგვარი საქმეები სასამართლოში დახურულ სხდომაზე განიხილება და პროცესს მხოლოდ დაზარალებული და ბრალდებული ესწრება
- აუ, მართლა, არ ვიცი…
- მე არ შევუშვებ ეგეთს სხდომაზე
8 / 9 თუ შენი მეგობარი სრულწლოვანი არ არის და ეშინია, რომ ამ ყველაფრის შესახებ მისი მშობლები გაიგებენ?
![](http://chandler.on.ge/2024/04/19/img_4637_6622614d47761.jpg)
Freepik
- ეგ უკვე აღარ ვიცი
- არ მყავს არასრულწლოვანი მეგობრები
- დავამშვიდებ, რომ ამ შემთხვევაში, ჯერ ჯობია მიმართოს საფარს, რომელიც დაეხმარება საგამოძიებო უწყებასთან ურთიერთობაში. ასევე, საქმის წარმოებაში მშობლის ნაცვლად ჩართული იქნება საპროცესო წარმომადგენელი, რომელსაც სახელმწიფო ნიშნავს
9 / 9 გადაწყვეტილია, უნდა დაუკავშირდეთ სპეციალურ საგამოძიებო სამსახურს! ახლა შემდეგი კითხვა, როგორ?
![](http://ross.on.ge/2024/04/19/ezgif-3-921725a332_6622614d5c531.jpg)
Freepik
- მანქანით გავუვლი და წავედით პოლიციაში!
- მარტივად: სპეციალურ საგამოძიებო სამსახურს დავუკავშირდებით ცხელი ხაზზე — 199, საფარს კი ნომერზე: 599 407 603
- საინფორმაციო ბიუროში დავრეკავთ და გვეტყვიან, როგორც
ქვიზი (ტესტი) მომზადდა საფარის მიერ საქართველოს სპეციალურ საგამოძიებო სამსახურთან თანამშრომლობით და USAID სამართლის უზენაესობის პროგრამის ფინანსური მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.
ქვიზის (ტესტის) შინაარსზე სრულად პასუხისმგებელია საფარი და სპეციალური საგამოძიებო სამსახური. მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებებს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები