მოკლედ: 16 აპრილს თბილისში, საქართველოს პარლამენტის შენობის მიმდებარე ტერიტორიაზე ორი აქცია გაიმართება.

  • 12:00 საათზე პარლამენტის შენობის უკან,
  • 19:00 საათზე — პარლამენტის შენობის წინ.

ისევე, როგორც 15 აპრილს, მომიტინგეები გააპროტესტებენ მმართველი პარტიის დაჟინებულ სურვილს, რომ მიიღოს რუსული კანონი.

  • დღევანდელ პროტესტს მთავრობამ სპეცრაზმის მობილიზებით უპასუხა, თუმცა, აქცია არ დაუშლია.
ხალხი რუსული კანონის წინააღმდეგ. თბილისი, 15 აპრილი, 2024 წელი

ხალხი რუსული კანონის წინააღმდეგ. თბილისი, 15 აპრილი, 2024 წელი

ფოტო: მაიკო გაგუა / On.ge

  • შინაგან საქმეთა სამინისტრომ დააკავა დემონსტრანტები.
  • უწყება ოფიციალურად, მხოლოდ 14 დაკავებულის შესახებ აცხადებს.

პროცედურულად: კანონპროექტის პლენარულ სხდომაზე პირველი მოსმენით გასვლას წინ 15 აპრილის საკომიტეტო განხილვა უძღოდა.

  • შემდეგი ეტაპი ბიუროს სხდომა იქნება, რომელიც პლენარული სხდომის გამართვამდეა ჩანიშნული.
  • ზოგადად, კანონპროექტის მისაღებად საჭიროა დეპუტატების სამი მოსმენით მხარდაჭერა პლენარულ სხდომაზე.
  • რუსული კანონის საბოლოო, მესამე მოსმენით მხარდაჭერის თარიღად 17 მაისია განსაზღვრული.
  • კანონი, მიღების შემთხვევაში, პრეზიდენტს გადაეგზავნება.
  • პრეზიდენტის საპარლამენტო მდივანმა თქვა, რომ სალომე ზურაბიშვილი კანონს ვეტოს დაადებს.
  • თუმცა, ამის შემდეგ, საპარლამენტო უმრავლესობა ვეტოს დაძლევას შეეცდება, მას დასაძლევად საკმარისი მანდატი აქვს.