მოკლედ: საგანგებო სიტუაციების მართვის სამსახურში On.ge-ის უთხრეს, რომ ბაკურიანში, თოვლის მასაში მოყოლილი ადამიანის სამძებრო სამუშაოები, რომელიც გუშინ, 28 მარტს, ზვავსაშიშროების გამო შეწყდა, დღეს დილით განახლდა.

  • "პოვნის მიმართულებით სიახლე არ გვაქვს, მიმდინარეობს ინტენსიური სამუშაოები", — გვითხრეს უწყებაში.

დეტალები: გუშინ, 28 მარტს, დაბა ბაკურიანთან თოვლის მასა მთის ფერდობიდან ჩამოიშალა და ერთი ადამიანი მოიყოლა.

  • საგანგებო სიტუაციების მართვის სამსახურის ინფორმაციით, ძებნა-შველის ოპერაციაში ჩართულია სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები.
  • ასევე, სამაშველო ოპერაციაში ჩართვის მიზნით, გუშინ, დამატებით სამაშველო ჯგუფთან ერთად, თბილისიდან გაფრინდა შინაგან საქმეთა სამინისტროს სასაზღვრო პოლიციის ვერტმფრენი.