რა ხდება: ბაკურიანში, თოვლის მასაში ერთი ადამიანია მოყოლილი.

დეტალები: როგორც NEWS.On.ge-ს საგანგებო სიტუაციების მართვის სამსახურში უთხრეს, ადგილზე მობილიზებული არიან მაშველები.

  • მიმდინარეობს ძებნა-შველის ოპერაცია.

განახლება: მომხდარის შესახებ საგანგებო სიტუაციების მართვის სამსახურმა განცხადება გაავრცელა.

  • მათი ცნობით, თოვლის მასა მთის ფერდობიდან ჩამოიშალა.
  • ძებნა-შველის ოპერაციაში ჩართულია სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები.
  • ასევე, სამაშველო ოპერაციაში ჩართვის მიზნით, დამატებით სამაშველო ჯგუფთან ერთად, თბილისიდან უკვე გაფრინდა შინაგან საქმეთა სამინისტროს სასაზღვრო პოლიციის ვერტმფრენი.