უკრაინის პარლამენტმა, უმაღლესმა რადამ, მიიღო რეზოლუცია, რომლითაც ცნეს ინგუშების უფლება, შექმნან დამოუკიდებელი სახელმწიფო და გმობენ რუსეთის მიერ ინგუშების მასობრივ დეპორტაციას, 1944 წელს.

უმაღლესმა რადამ რეზოლუცია 23 თებერვალს, ჩრდილოეთ კავკასიაში ჩეჩნებისა და ინგუშების დეპორტაციის 80 წლისთავზე მიიღო.

საბჭოთა კავშირმა, იოსებ სტალინის მმართველობის ქვეშ, 1940-იან წლებში ყარაჩაელები, ბალყარელები, ჩეჩნები, ინგუშები, ყალმუხები, თურქ-მესხები, ყირიმელი თათრები და სხვა ეთნიკური ჯგუფები, ცენტრალურ აზიაში გადაასახლა.

ჩეჩნები და ინგუშები გადაასახლეს მათი საერთო რესპუბლიკიდან, ჩეჩნეთ-ინგუშეთის ავტონომიური საბჭოთა სოციალისტური რესპუბლიკიდან (ასსრ), რომელიც გაუქმდა და გაიყო მეზობელ კავკასიურ რესპუბლიკებს შორის.

"რეზოლუციის პროექტის მიღების მიზანია, რუსეთის დანაშაულის დაგმობა ინგუშების წინაშე, მათ შორის, ინგუშების მასობრივი დეპორტაციის, 1944 წელს“, — ნათქვამია უზენაესი რადას განცხადებაში.

უმაღლესმა რადამ, ასევე, დაგმო რუსული სპეცრაზმის მიერ განხორციელებული თავდასხმები ინგუშ სამოქალაქო პირებზე, 1992 წლის ინგუშ-ოსეთის კონფლიქტის დროს, ჩეჩნეთ-ინგუშეთის ასსრ-ის გაუქმების შემდეგ, ჩრდილოეთ ოსეთს გადაცემული ტერიტორიების გამო.

ინგუშთა დამოუკიდებლობის კომიტეტმა, სოციალურმა მოძრაობამ, რომელიც შეიქმნა 2023 წელს და ინგუშეთის დამოუკიდებლობას ითხოვს, რეზოლუცია მოიწონა და უწოდა ინგუში ხალხისთვის "მნიშვნელოვანი მოვლენა ისტორიაში".

"ეს არის პირველი და ყველაზე მნიშვნელოვანი ნაბიჯი საერთაშორისო ასპარეზზე ჩვენი დამოუკიდებლობის მომავალი საერთაშორისო აღიარებისთვის, ისევე, როგორც ინგუში ხალხის ტრაგედიებისა, 1944 და 1992 წლებში“, — განუცხადა OC Media-ს კომიტეტის სპიკერმა.

მისივე თქმით, ინგუშმა ხალხმა დაკარგა სამართლიანობის პოვნის იმედი რუსეთის ფარგლებში.

2022 წლის ოქტომბერში უკრაინამ აღიარა ჩეჩნეთის რესპუბლიკა იჩქერია დამოუკიდებელ სახელმწიფოდ, რომელიც "დროებით“ არის ოკუპირებული რუსეთის მიერ და დაგმო "ჩეჩენი ხალხის გენოციდი“ პირველი და მეორე ჩეჩნური ომების დროს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.