მოკლედ: საქართველოში მომუშავე ხუთი ორგანიზაცია საერთაშორისო თანამეგობრობას მოუწოდებს, კრიტიკულად შეაფასონ აზერბაიჯანში, ადამიანის უფლებათა დარღვევის მძიმე ფაქტები; და გამოიყენონ მათ ხელთ არსებული პოლიტიკური მექანიზმები, აზერბაიჯანის ხელისუფლების მიერ, ადამიანის უფლებების პატივისცემის უზრუნველსაყოფად.

  • ხელმომწერი ორგანიზაციები არიან: დემოკრატიის კვლევის ინსტიტუტი (DRI), სამოქალაქო იდეა, საერთაშორისო პარტნიორობა ადამიანის უფლებებისთვის თბილისის ოფისი, სოციალური სამართლიანობის ცენტრი, ადამიანის უფლებათა ცენტრი.

დეტალები: უკანასკნელი რამდენიმე თვის განმავლობაში, აზერბაიჯანში არაერთი ჟურნალისტი დააკავეს. ყველა მათგანი დამოუკიდებელ მედიას წარმოადგენდა და სხვადასხვა დროს ობიექტურად და კრიტიკულად აფასებდა აზერბაიჯანის ხელისუფლების მოქმედებას ადამიანის უფლებათა დაცვის კუთხით.

  • "წინასაარჩევნო პერიოდში ჟურნალისტების დაკავება წვრილმანი ხულიგნობის, პოლიციისადმი დაუმორჩილებლობის და კონტრაბანდის ბრალდებებით, პოლიტიკურად მოტივირებულია", — წერს DRI.
  • DRI-ს შეფასებით, ბოლო წლების განმავლობაში აზერბაიჯანში მკვეთრად გაუარესებულია მდგომარეობა სამოქალაქო ორგანიზაციების საქმიანობისთვის. არა ერთი სამოქალაქო აქტივისტი ამ დრომდე რჩება პატიმრობაში.

კონტექსტი: აზერბაიჯანმა ნოემბრის ბოლოდან ათი მედიის თანამშრომელი დააკავა.

  • ქვეყანა, თებერვლის დასაწყისში, მომავალი საპრეზიდენტო არჩევნებისთვის ემზადება.
  • ხელისუფლება პოლიტიკური ზეწოლისთვის იყენებს მის ხელთ არსებულ დახმარების პროგრამებს და ჟურნალისტების ოჯახის წევრებს სოციალური დახმარების მისაღებად დაუსაბუთებელ შეზღუდვებს უწესებს.
  • პრესის თავისუფლების ინდექსის თანახმად, აზერბაიჯანი 180 ქვეყანას შორის 151-ე ადგილზეა.

მსგავსი: აზერბაიჯანში უკვე მეათე ჟურნალისტი დააკავეს

მსგავსი: აზერბაიჯანში დაკავებული ჟურნალისტების ოჯახის წევრებს პენსიები და დახმარებები გაუყინეს

მსგავსი: აზერბაიჯანში, ნოემბრის შემდეგ, მეცხრე ჟურნალისტი დააკავეს