ცოტა ხნის წინ მაყურებელმა ამერიკული The Voice-ის Playoff-ების ეტაპი იხილა, რომელშიც თითოეულ მწვრთნელს თავისი გუნდის 6 წევრიდან 3 უნდა შეერჩია. Playoff-ების ეტაპზე ნინი ბრეგვაძის მწვრთნელმა, ნაილ ჰორანმა, 3 მონაწილეს შორის ქართველი მომღერალიც შეარჩია. ასე რომ, ნინი ბრეგვაძე TOP 3-ში მოხვდა და პროექტის მოგებისთვის ბრძოლას კვლავ განაგრძობს.

Playoff-ების ეტაპზე ნინი ბრეგვაძემ Bishop Briggs-ის ცნობილი ჰიტი River შეასრულა და ჟიური კიდევ ერთხელ მოხიბლა.TOP 3-ში მოხვედრით ქართველი მომღერალი უკვე კონკურსის 12 საუკეთესო მონაწილეს შორისაა.

შეგახსენებთ, რომ ნინი ბრეგვაძემ ამერიკულ The Voice-ში Knockout-ის რაუნდი მოიგო და რინგის რაუნდშიც გაიმარჯვა. ბრმა კასტინგზე კი ნინიმ სიმღერის დაწყებიდან სულ რამდენიმე წამში ოთხივე მწვრთნელი შემოატრიალა. საბოლოოდ, ქართველმა მომღერალმა ნაილ ჰორანი აირჩია და სწორედ მის გუნდში გააგრძელა ბრძოლა.

ნინი ბრეგვაძე საქართველოდან ნიუ-იორკში საცხოვრებლად და მუსიკალური კარიერის გასაგრძელებლად 2016 წელს გადავიდა. ნინიმ ქართველ მაყურებელს თავი X ფაქტორიდან დაამახსოვრა, როცა მომღერალი 2015 წელს X ფაქტორის მე-2 სეზონის ფინალისტი გახდა.