ოკუპაციის ხაზთან, სოფელ ბერშუეთან ამ წუთებში ცოცხალი ჯაჭვია. რამდენიმე ათეული მოქალაქე ოკუპაციის ხაზამდე მისვლამდე ახალოსფელთან შეიკრიბა. აქციის ორგანიზატორები ივანე ჯავახიშვილის სახელობის თბილისის სახელმწიფო უნივერსიტეტის სტუდენტები არიან. მათ აქცია ფეისბუკის საშუალებით დაგეგმეს.

ჯამში აქციას შეუერთდა 50-მდე მოქალაქე. მათ ბანერები უჭირავთ წარწერით: "არა ოკუპაციას", "შეაჩერე ანექსია", "ჩვენი მიწა ჩვენი პასუხისმგებლობაა", "Stop Russia" და ა.შ. ისინი საოკუპაციო ხაზთან ფეხით მივიიდნენ.

აქციას აშუქებს On.ge-ს ჟურნალისტი. მისი თქმით, ადგილზე მისულები არიან პოლიციის თანამშრომლები და ევროკავშირის სადამკვირვებლო მისია.

აქციის მონაწილეთა ნაწილი საოკუპაციო ხაზთან კარვებით დარჩენას გეგმავს. ხვალ მათ მოქალაქეთა სხვა ჯგუფი შეუერთდება, რომელებიც ასევე აპროტესტებენ საქართველოს ოკუპაციას.

ფოტო: ანი ხოშტარია / On.ge

ფოტო: ანი ხოშტარია / On.ge