ლეგენდარული მსახიობი ჯული ენდრიუსი, ჯიმი ფელონის შოუში სტუმრობის დროს, საკულტო ფილმის, მუსიკის ჰანგების, გადაღების პროცესს იხსენებს და ამბობს, რომ იმ სცენის გადაღება, რომელშიც ის მთებში მღერის, ერთ-ერთი ყველაზე რთული დავალება იყო მის კარიერაში.

როგორც ენდრიუსი იხსენებს, საბოლოო შედეგის მისაღებად ბევრი იწვალა და კინაღამ შეეწირა კიდევაც ამ სცენას.

ეს სცენა, 50 წლის წინ, ვერტმფრენიდან გადაიღეს, რომელმაც ჯული ენდრიუსი რამდენჯერმე წააქცია კიდევაც.

"საშინელი ვერტმფრენი გვყავდა, რომელზეც ჩვენი საოცრად მამაცი ოპერატორი იყო ჩამოკიდებული, კამერა კი მუცელზე ჰქონდა დამაგრებული. რამდენჯერაც ვერტმფრენი მომიახლოვდებოდა იმდენჯერ ძირს მანარცხებდა, ექვსჯერ თუ შვიდჯერ გადავიღეთ ეს სცენა", იხსენებს ენდრიუსი.