ფლორიდის შტატში ჯერემი და საური ტერნერებისთვის 3 სექტემბერი უკვე მესამედ იქცა განსაკუთრებულ თარიღად — მათი მესამე შვილი ჯულიაც, წინა ორივით, ამ დღეს დაიბადა.

წყვილის პირველი შვილი ჟასმინი 2020 წლის 3 სექტემბერს გაჩნდა, 2021 წლის 3 სექტემბერს მათ ოჯახს ჯესიკა შეემატა, ამ წლის 3 სექტემბერს კი ჯულია დაიბადა.

ბავშვების მამის, ჯერემის თქმით, თავს ყველა იღბლიან და ბედნიერ მამად გრძნობს.

ფოტო: the Turner Family

"გაოგნებულები ვიყავით, რომ ჩვენმა მესამე გოგომაც, დებივით, 3 სექტემბერს გადაწყვიტა დაბადება. საავადმყოფოს პერსონალი ისეთივე გაკვირვებული იყო, როგორებიც ჩვენ. ექიმები თითოეულ ექთანს ცალ-ცალკე უყვებოდნენ, რომ სამი შვილი გვყავს, რომლებიც ერსა და იმავე დღეს გაჩნდნენ", — აცხადებს ის.

ჯესიკა თავის პატარა და ჯულიას ხვდება, რომელიც მის დაბადების დღეზე გაჩნდა

ფოტო: The Turner Family

მამის თქმით, ის საავადმყოფოდან ისეთ დროს წავიდა სახლში, რომ დანარჩენი ორი შვილის დაბადების დღე ოჯახთან ერთად აღენიშნა. მათ დღე სტუმრებთან ერთად გაატარეს, შემდეგ კი ჯერემი საავადმყოფოში ცოლთან და ახალდაბადებულ ჩვილთან დაბრუნდა.

ჯერემი ამბობს, რომ ზოგჯერ დაბადების დღის ერთსა და იმავე დღეს გადახდა პრობლემურია, მაგალითად, არ იციან, როგორ იმღერონ დაბადების დღის სიმღერა ან როგორ აღნიშნონ ისე, რომ ყველა შვილის ინტერესს მოერგონ.