სუპერვარსკვლავმა ლედი გაგამ უოლტერ რიდის საშუალო სკოლის მოსწავლეებს სიურპრიზი მოუწყო და მათი მასწავლებელი შეცვალა, თუმცა ბავშვებს ამის დაჯერება გაუჭირდათ და ეკითხებოდნენ იყო თუ არა ის ნამდვილი გაგა.

როგორც ლედი გაგა ამბობს, მისი მიზანია ბავშვებს საკუთარი თავი უყვარდეთ.

შემდეგ ბავშვებს სთხოვა დაეხატათ ის თუ როგორი წარმოუდგენიათ მათი მომავალი, ის რისი გაკეთებაც ყველაზე მეტად სურთ. შემდეგ კი მათთან ერთად ისაუბრა თუ რა უნდა გააკეთონ ბავშვებმა იმისთვის, რომ მათი ოცნებები ახდეს.

ლედი გაგა კომპანია Staples-ის საქველმოქმედო პროექტშია ჩართული, რომელიც სკოლებისა და მოსწავლეების დაფინანსებაზე მუშაობს. პროგრამის ფარგლებში, უკვე გადარიცხულია $2 მილიონი.