დაახლოებით ორი საათის წინ მარნეულის რაიონში მიკროავტობუსი მსუბუქ ავტომობილს შეეჯახა და ამობრუნდა. ავარიის დროს დაშავდა სამი ადამიანი. ისინი საავადმყოფოში გადაიყვანეს. ავარიის შესახებ On.ge-ს შინაგან საქმეთა სამინისტროში განუცხადეს.

უწყებაში ამბობენ, რომ მიკროავტობუსს სომხური სანომრე ნიშნები აქვს.

საქმეზე გამოძიება "სისხლის სამართლის კოდექსის" 276-ე მუხლის პირველი ნაწილით მიმდინარეობს. ამ მუხლით, მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.