პროკურატურამ ბრალდებულის გაქცევისთვის სამ პოლიციელს ბრალი წაუყენა. საქმე ეხება მსახიობ დავით როსტომაშვილის თავდასხმაში ბრალდებულის გაქცევას. ინფორმაციას ამის შესახებ საქართველოს პროკურატურა ავრცელებს.

"შსს ქ. თბილისის პოლიციიის დეპარტამენტის ადმინისტრაციულ ტერიტორიაზე ყოფნისას, სადაც ასევე მდებარეობს დროებითი მოთავსების იზოლატორი, დასახელებული თანამშრომლები დაუდევრად მოეკიდნენ სამსახურებრივი მოვალეობის შესრულებას, რითაც ისარგებლა დაკავებულმა და ტერიტორიიდან მიიმალა," - აღნიშნავენ პროკურატურაში.

პროკურატურა დაკავებულ სამართალდამცავებს სამსახურეობრივ გულგრილობას ედავება. სისიხლის სამართლის კოდექსის 342-ე მუხლის პირველი ნაწილით, სამსახურებრივი გულგრილობა, ესე იგი მოხელის ან მასთან გათანაბრებული პირის მიერ თავისი სამსახურებრივი მოვალეობის შეუსრულებლობა ან არაჯეროვნად შესრულება მისდამი დაუდევარი დამოკიდებულების გამო, რამაც ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესების არსებითი დაარღვია ისჯება ჯარიმით ან თავისუფლების აღკვეთით ვადით სამ წლამდე.

ბრალდებულის გაქცევის შესახებ რუსთავი 2-მა ინფორმაცია ერთი კვირის წინ გაავრცელა, თუმცა შსს-ში პარასკევამდე კომენტარს არ აკეთებდნენ.