ინფორმაციას რადიო თავისუფლების რუსული გამოცემა ავრცელებს.

რატომ არის მნიშვნელოვანი: გამოცემის ცნობით, კლინიკა ბორის ელცინის სიძის შვილს ეკუთვნის.

  • როგორც მედია წერს, ეს ქსელის პირველი ცენტრია, რომელიც საზღვარგარეთ იფუნქციონირებს. აქამდე, ჩაიკა მხოლოდ რუსეთის დედაქალაქში, მოსკოვში 7 ფილიალით იყო წარმოდგენილი.

დეტალები: ინფორმაცია ამის შესახებ კლინიკის ვებგვერდზეც იძებნება, სადაც ვკითხულობთ, რომ ის "სხვადასხვა კულტურისა და ქვეყნის საუკეთესო ექიმებს აერთიანებს".

  • საიტზე, ასევე, ნათქვამია, რომ ვიზიტის დაჯავშნა პედიატრთან, დერმატოლოგთან და მეან-გინეკოლოგთანაა შესაძლებელი, სპეციალისტის კონსულტაციის ღირებულება კი 100 ლარიდან იწყება.
  • ჩაიკას ქსელის დამფუძნებელი საინვესტიციო ბანკის KIT Finance-ის ყოფილი მფლობელი, ალექსანდრე ვინოკუროვია, რომელმაც 2022 წელს თავისი წილის (86,37%) პოლინა იუმაშევას მიჰყიდა.
  • ის ვალენტინ იუმაშევას შვილია, რომელიც ბორის ელცინის ადმინისტრაციის ხელმძღვანელის სიძე იყო.
  • კლინიკის მთავარი დირექტორი კი ქსენია იურკინასია. ის 2020 წლიდან კლინიკის მთავარი ექიმის მოადგილედ მუშობს, ხოლო 2022 წელს ეს თანამდებობა Silk Medical-ს მულტიდისციპლინურ სამედიცინო ცენტრში დაიკავა.

არქივიდან: იუმაშევა Русала-ს დამფუძნებლის, ოლეგ დერიპასკას ყოფილი ცოლია, რომელსაც 2018 წელს აშშ-მა სანქციები დაუწერა.

  • 2022 წელს დერიპასკა ევროკავშირმა, დიდმა ბრიტანეთმა და სხვა ქვეყნებმა რუსეთის უკრაინაში შეჭრის გამო დაასანქცირა.
  • On.ge ინფორმაციის დასადასტურებლად ჯანდაცვის სამინისტროს დაუკავშირდა, პასუხს მიღებისთანავე შემოგთავაზებთ.