კობახიძის პრეტენზიები აშშ-ის ელჩთან პირდაპირი ფრენებისა და ვიზების საკითხზე
![](http://monica.on.ge/2023/03/31/337408635_953743839317078_9223058774441988562_n_6426d00d3333a.jpg)
ფოტო: მთავრობის პრესსამსახური
0
წაკითხვა
0
კომენტარი
0
გაზიარება
რატომ არის მნიშვნელოვანი: უკვე რამდენიმე თვეა, რაც ქვეყნის მთავარ სტრატეგიულ პარტნიორთან ურთიერთობა დაძაბულია.
- მაგალითად, ქართული ოცნებასთან დაკავშირებული პოლიტიკოსები პრორუსული განცხადებებით თავს ესხმიან აშშ-ს და ელჩ კელი დეგნანს.
- ამას დაემატა მმართველი გუნდისა და მათი მხარდამჭერების ორაზროვანი განცხადებები "ომში ჩათრევის მცდელობებზე" — რასაც კელი დეგნანმა 100%-ით რუსული დეზინფორმაცია უწოდა.
- აშშ-ის სახელმწიფო დეპარტამენტში რამდენიმე თვის წინ განაცხადეს, რომ საქართველოს ხელისუფლების ზოგიერთი წარმომადგენლის რიტორიკა, როგორც ჩანს, ევროკავშირში გაწევრიანებიდან მოსახლეობის ჩამოშორებას ისახავს მიზნად.
- პრესსპიკერმა ნედ პრაისმა აღნიშნა ისიც, რომ დეზინფორმაცია და პერსონალური თავდასხმები არ შეესაბამება იმას, თუ როგორ ურთიერთობენ პარტნიორები ერთმანეთთან.
- ელჩისადმი კრიტიკული არიან ქართული ოცნების ლიდერებიც, მათ შორის, პარტიის თავმჯდომარეც.
- ხოლო, როცა აშშ-ის სახელმწიფო დეპარტამენტმა გავლენიანი ქართველი მოსამართლეები, ე.წ კლანის წევრები დაასანქცირა, მათდამი სოლიდარობის ნიშნად, "ოცნებამ" პარლამენტში საგამოძიებო კომისიის შექმნა ჩააგდო.
დეტალები: ქართული ოცნების თავმჯდომარემ საზოგადოებრივი მაუწყებლის ეთერში განიხილა ფრენების აღდგენა რუსეთთან და შემდეგ ამ საკითხზე ამერიკის ელჩის გამოხმაურებაზეც ისაუბრა.
- კობახიძემ დაუფარავად გამოთქვა უკმაყოფილება იმის გამო, რომ აშშ-ს არ აქვს უვიზო მიმოსვლა, პირდაპირი ფრენები და თავისუფალი ვაჭრობა საქართველოსთან.
- ამის შემდეგ ვიზების საკითხი დააკონკრეტა და მაგალითად რომელიღაც ბრიტანული საიტი მოიყვანა, რომელზეც მისი თქმით, საკონსულო დეპარტამენტის ოფიციალური სტატისტიკა დევს, რომლის თანახმადაც საქართველოს მოქალაქეებს აშშ-დან სავიზო განაცხადების მხოლოდ 37% დაუკმაყოფილდათ.
- ისაუბრა შემთხვევებზე, როცა სტუდენტებმა დაფინანსება მიიღეს, ვიზა კი ვერა და დაამატა: "გაუგებარია, რატომ შეიძლება ახალგაზრდას, ბავშვს, 18 წლის ახალგაზრდას არ ჩაურტყა ვიზა, როცა დაფინანსება აქვს მიღებული ამავე ქვეყნიდან მიღებული".
- ამის შემდეგ თქვა, რომ მსგავსი უამრავი ფაქტია და არ უნდა დეტალებში შევიდეს, მაგრამ იმის შედარება დაიწყო, რომ სხვა მეზობელ ქვეყნებთან, მათ შორის რუსეთთან ომამდე აშშ-ს ვიზების გაცემის უფრო მაღალი მაჩვენებელი ჰქონდა.
- "რა ახნსაა ამაში? რატომ არ ხდება მაშინ დაახლოება, თუ ეს დაახლოებას ნიშნავს. და პირდაპირი ფრენები, რა უნდა პირდაპირი ფრენების დაწესებას საქართველოსა და ამერიკის შეერთებულ შტატებს შორის. მე რომ ვიყო, მაგალითად, ამერიკის ელჩი, ამაზე ვიზრუნებდი", — განაცხადა მმართველი პარტიის თავმჯდო.
კობახიძემ ისიც დაამატა, რომ თუ ფიქრობენ, რუსეთთან უვიზო მიმოსვლასთან, თავისუფალ ვაჭრობასთან რისკებია დაკავშირებული, თავადვე დააწესონ.
- "რომ საუბრობენ იმაზე, რომ იმპორტ-ექსპორტში ვართ დამოკიდებული რუსეთის ფედერაციაზე, თან 20%-იანია ეს დამოკიდებულება, არც კი, თუ არ ვცდები, მაგრამ თავი დავანებოთ ამას. შენ რატომ არ აფორმებ თავისუფალი ვაჭრობის შეთანხმებას, ამდენი წელი გავიდა", — თქვა უკმაყოფილმა.
- შემდეგ მაგალითად მოიყვანა ანსამბლი მართვე, რომლებსაც, მისი თქმით ვიზის მიღების პროცესი გაურთულეს და გასტროლებზე ვეღარ წავიდნენ და ელჩს რჩევაც მისცა:
- "ასეთ რაღაცეებს უნდა მიხედოს მგონი ამერიკის ელჩმა და არა იმას, რომ სხვა ქვეყანა კონკრეტულ ნაბიჯებს დგამს. მე მგონი ჯობია, რომ თვითონ გადადგან ასეთი ნაბიჯები, რაც უკავშირდება იგივე სავიზო რეჟიმის გამარტივებას, პირდაპირ ფრენებს და თავისუფალი ვაჭრობის შეთანხმებას".
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები