სამოქალაქო საზოგადოების 34 წარმომადგენელი სოლიდარობას უცხადებს ორგანიზაციებს, რომელთაც FARA-ს კანონის დარღვევაში სდებენ ბრალს

სამოქალაქო საზოგადოების 34 წარმომადგენელი სოლიდარობას უცხადებს ორგანიზაციებს, რომელთაც "უცხოური აგენტების რეგისტრაციის შესახებ" კანონის დარღვევაში სდებენ ბრალს. განცხადებაში ნათქვამია, რომ "დამოუკიდებელ არასამთავრობო ორგანიზაციებსა და მედიაზე თავდასხმა არა მხოლოდ თქვენს ორგანიზაციებზე, არამედ ქვეყნის დემოკრატიის საფუძვლებზე შეტევას წარმოადგენს".

"პირველ რიგში, ვაფიქსირებთ პატივისცემას პრინციპული პოზიციისადმი, არ მიიღოთ "უცხო ინტერესების გამტარებლის" ყალბი და შეურაცხმყოფელი იარლიყები. თქვენ ხართ დამოუკიდებელი ქართული ორგანიზაციები, რომლებიც მოქმედებენ საკუთარ წესდებების მიხედვით და ემსახურებით მხოლოდ ქართველ ხალხს. თქვენი მისია - ქალების, ბავშვების, მშრომელთა, შშმ პირთა, იძულებით გადაადგილებულ პირთა და ყველა ჩაგრული ადამიანის უფლებების დაცვა — დემოკრატიული საზოგადოების არსებობისთვის სასიცოცხლოდ მნიშვნელოვანია.

დამოუკიდებელ არასამთავრობო ორგანიზაციებსა და მედიაზე თავდასხმა არა მხოლოდ თქვენს ორგანიზაციებზე, არამედ ქვეყნის დემოკრატიის საფუძვლებზე შეტევას წარმოადგენს. ვიზიარებთ თქვენს პოზიციას, რომ საერთაშორისო სტანდარტებისა და აშშ-ის "უცხოელი აგენტების რეგისტრაციის აქტი" (FARA)-ს თანახმად, თქვენი ორგანიზაციები არ ექვემდებარებიან მსგავს რეესტრში რეგისტრაციას. ვაფასებთ თქვენს სიმამაცეს და შეუპოვრობას, რომლითაც აგრძელებთ საქმიანობას უსამართლო თავდასხმებისა და სისხლის სამართლის პასუხისმგებლობის მუქარის პირობებში. თქვენი შრომა აუცილებელია საქართველოს თავისუფალი, დემოკრატიული და ევროპული მომავლის დასაცავად.

თქვენ მარტო არ ხართ. ქართველი ხალხი და საერთაშორისო საზოგადოება თქვენ გვერდით დგას. ვგმობთ ანტიკონსტიტუციურ თავდასხმებს თქვენ მიმართ და ვიზიარებთ, რომ თქვენი ბრძოლა ემსახურება საქართველოს თითოეულ მოქალაქეს, ვისაც საქართველოს თავისუფალი, სამართლიანი და დემოკრატიული მომავლის სჯერა", — ნათქვამია სამოქალაქო საზოგადოების მიერ ერთობლივად გავრცელებულ განცხადებაში.

განცხადების ხელმომწერი ორგანიზაციები არიან:

"ევროპის ფონდი სამოქალაქო იდეა" — Europe Foundation;

"სამოქალაქო მოძრაობა თავისუფლებისთვის" — Civic Movement for Freedom;

"ყვარლის ევროკლუბი" — EuroClub Kvareli;

"სამოქალაქო აქტივობის ცენტრი ლაკმუსი";

"საქართველოს ევროპული ორბიტა" — Georgia's European Orbit;

"ეკონომიკური პოლიტიკის კვლევის ცენტრი" — Economic Policy Research Center — EPRC;

"სამოქალაქო სოლიდარობის ფონდი" — Civil Solidarity Fund;

"სასამართლოს გუშაგი" —GeorgianPrevention For Progress;

"პრევენცია პროგრესისთვის" — Prevention For Progress;

"დემოკრატიის კვლევის ინსტიტუტი" — (DRI);

"ევროპულ-ქართული ინსტიტუტი" — (EGI);