აშშ-ის პრეზიდენტის, დონალდ ტრამპის მეუღლემ, მელანია ტრამპმა, რუსეთის პრეზიდენტის, ვლადიმერ პუტინისადმი გაგზავნილ პირად წერილში რუსეთის მიერ უკრაინის წინააღმდეგ მოსკოვის აგრესიული ომის დროს გატაცებული უკრაინელი ბავშვების საკითხი წამოჭრა, ამის შესახებ Reuters თეთრი სახლის ორ წყაროზე დაყრდნობით იტყობინება.

აღნიშნულია, რომ თეთრი სახლის ხელმძღვანელმა ეს შეტყობინება პუტინს ალასკაში გამართული მოლაპარაკებების დროს გადასცა.

პარასკევს, 15 აგვისტოს, რუსეთის მიერ უკრაინაში შეჭრის შემდეგ, ალასკაში აშშ-სა და რუსეთის პრეზიდენტებს შორის პირველი შეხვედრა გაიმართა. დონალდ ტრამპმა და ვლადიმერ პუტინმა მოლაპარაკებები ანკორიჯში, ელმენდორფ-რიჩარდსონის საჰაერო ბაზაზე გამართეს.

რუსეთის პრეზიდენტ ვლადიმერ პუტინთან შეხვედრის შემდეგ, აშშ-ის პრეზიდენტმა დონალდ ტრამპმა FoX News-თან განაცხადა, რომ დღეს "10-დან 10-ით" აფასებს.

ტრამპმა განაცხადა, რომ იწყება მზადება რუსეთისა და უკრაინის ხელმძღვანელების შეხვედრისთვის. მისივე თქმით, შეთანხმების მიღწევის ალბათობა "საკმაოდ მაღალი" უწოდა და აღნიშნა, რომ ეს ახლა ვოლოდიმირ ზელენსკიზეა დამოკიდებული.