მიუნხენის უსაფრთხოების კონფერენციის (MSC) ყოფილი ხელმძღვანელის, ამერიკის შეერთებულ შტატებსა და დიდ ბრიტანეთში გერმანიის ყოფილი ელჩის, ვოლფგანგ იშინგერის თქმით, ტრამპსა და პუტინს შორის ალასკაში შეხვედრას არანაირი დადებითი გავლენა არ მოუხდენია უკრაინაში ომის დასრულებაზე.

"პუტინმა ტრამპთან წითელი ხალიჩა მიიღო, ტრამპმა კი სანაცვლოდ არაფერი მიიღო. რისიც უნდა გვეშინოდეს: არც ცეცხლის შეწყვეტა, არც მშვიდობა. არანაირი რეალური პროგრესი - აშკარა 1:0 ანგარიში პუტინის სასარგებლოდ — არანაირი ახალი სანქციები. უკრაინელებისთვის: არაფერი. ევროპისთვის: უკიდურესად იმედგაცრუებული", — დაწერა იშინგერმა თავის X გვერდზე.

პარასკევს, 15 აგვისტოს, რუსეთის მიერ უკრაინაში შეჭრის შემდეგ, ალასკაში აშშ-სა და რუსეთის პრეზიდენტებს შორის პირველი შეხვედრა გაიმართა. დონალდ ტრამპმა და ვლადიმერ პუტინმა მოლაპარაკებები ანკორიჯში, ელმენდორფ-რიჩარდსონის საჰაერო ბაზაზე გამართეს.

რუსეთის პრეზიდენტ ვლადიმერ პუტინთან შეხვედრის შემდეგ, აშშ-ის პრეზიდენტმა დონალდ ტრამპმა FoX News-თან განაცხადა, რომ დღეს "10-დან 10-ით" აფასებს.

ტრამპმა განაცხადა, რომ იწყება მზადება რუსეთისა და უკრაინის ხელმძღვანელების შეხვედრისთვის. მისივე თქმით, შეთანხმების მიღწევის ალბათობა "საკმაოდ მაღალი" უწოდა და აღნიშნა, რომ ეს ახლა ვოლოდიმირ ზელენსკიზეა დამოკიდებული.