უკრაინის პრეზიდენტის, ვოლოდიმირ ზელენსკის, აშშ-ის ლიდერის, დონალდ ტრამპისა და ევროპელი ლიდერების ონლაინ-შეხვედრა დასრულდა. CNN-ის ინფორმაციით, ევროპელი ლიდერები იმედოვნებენ, რომ დისკუსიამ, რომელიც პუტინთან ტრამპის დაგეგმილ შეხვედრამდე გაიმართა, გარკვეულ საკითხებზე აშშ-ის პრეზიდენტის პოზიცია უფრო მკაფიო გახადა.

CNN-ის ცნობით, პარასკევს, როცა აშშ-ისა და რუსეთის ლიდერები ერთმანეთს შეხვდებიან, რამდენიმე მთავარი თემა უნდა განიხილონ და შეთანხმდნენ:

  • რუსეთმა ცეცხლის შეწყვეტას უნდა დასთანხმდეს ტერიტორიულ საკითხებზე საუბრამდე;
  • უკრაინასთან დაკავშირებული გადაწყვეტილებები უნდა მიიღონ მხოლოდ მისი მონაწილეობით;
  • უკრაინა არ დათმობს საკუთარ მიწებს;

"მე ვუთხარი ჩვენს პარტნიორებს, რომ პუტინს ნამდვილად არ სურს მშვიდობა," — აღნიშნა ზელენსკიმ შეხვედრის დასრულების შემდეგ.

შემდეგ ვოლოდიმირ ზელენსკიმ განაცხადა, რომ ონლაინ-შეხვედრაზე დონალდ ტრამპმა ცეცხლის შეწყვეტას და დასძინა, რომ ალასკაში რუსეთი, თუ არ დათანხმდება ცეცხლის შეწყვეტას სანქციები უნდა გამკაცრდეს.

როგორც ევროპელმა ლიდერებმა აღნიშნეს, ისინი ყველაფერს აკეთებენ, რომ ეს მოლაპარაკება სწორი მიმართულებით წარიმართოს და ტრამპმა წარმატებას მიაღწიოს. მათთვის განსაკუთრებით მნიშვნელოვანია, რომ სამიტამდე ევროკავშირის, უკრაინისა და აშშ-ის წარმომადგენლებთან შეხვედრა გამართულიყო დეტალების დასაზუსტებლად.

ლიდერებმა ისაუბრეს შეხვედრის მიზნებზე და განაცხადეს, რომ კონსულტაციები მაკრონის ხელმძღვანელობით გაგრძელდება. მათივე თქმით, ალასკაში მოლაპარაკებების ფუნდამენტური თემა უნდა იყოს ევროპისა და უკრაინის უსაფრთხოების გარანტიები.

"ალასკაში ევროპისა და უკრაინის უსაფრთხოების ინტერესები უნდა იყოს დაცული.

ჩვენ ვაკეთებთ ყველაფერს ევროპაში მშვიდობის დასაბრუნებლად. ჩვენ მკაფიოდ დავაფიქსირეთ ჩვენი პოზიცია, რომ მომდევნო შეხვედრებზე უკრაინა აუცილებლად უნდა იყოს მოლაპარაკებების მაგიდასთან და ამის ამოსავალი წერტილი უნდა იყოს ცეცხლის სრული შეწყვეტა, რასაც დანარჩენი მნიშვნელოვანი ელემენტები უნდა მოჰყვეს. ასევე, უკრაინა თანახმაა, რომ განიხილოს ტერიტორიების გაცვლა იმ პირობით, რომ რუსეთის მიერ ოკუპირებული ტერიტორიების აღიარება ამ მოლაპარაკების ნაწილი არ იქნება და საზღვრები არ უნდა შეიცვალოს. ჩვენ გვჭირდება უსაფრთხოების გარანტიები უკრაინისთვის და უკრაინის შეიარაღებულ ძალებს უნდა ჰქონდეთ საშუალება, დაიცვან საკუთარი ქვეყანა. ჩვენი სტრატეგია ასეთი უნდა იყოს: მხარდაჭერა უკრაინას და ზეწოლა რუსეთზე. და თუ ალასკაში შეხვედრა უშედეგო იქნება, მაშინ ევროკავშირი და აშშ კიდევ უფრო გაზრდიან ზეწოლას რუსეთზე,“ — განაცხადა გერმანიის კანცლერმა ფრიდრიხ მერცმა.