მოგზაურობა და ახალი ემოციების მიღება ყველგან შეიძლება — მეზობელ ქვეყანაში ან თუნდაც საკუთარ ქალაქში, მაგრამ თანამედროვე მსოფლიოში არსებობს 5 პოპულარული მიმართულება, რომელთა ნახვაც, ნამდვილად უნდა მოასწრო, თუ ბუნება, სპორტი, ანიმე და კულინარია გიყვარს.

ბრაზილია

მართალია, ბრაზილია არ არის მხოლოდ რიო დე ჟანეირო, მაგრამ სწორედ აქ იგრძნობ ამ ქვეყნის გულისცემას. ბრაზილიური კარნავალი კი, ისეთი გამოცდილებაა, რომელსაც ვერავითარი ვიდეო ვერ გადმოსცემს. ამ დროს მთელი ქვეყანა ერთ დიდ სცენად და მილიონი ტურისტის თავშეყრის ადგილადაა გადაქცეული (ნუ, გასაკვირიც არ არის, კარნავალის შემდეგ რეკორდულად მაღალი, 3500 ტონა ნაგავიც, რომ გროვდება).

თუ კორკოვადოს მთაზე ახვალ და მაინც იტყვი, რომ თბილისის ანძა ეიფელსაც და ქრისტეს ქანდაკებასაც სჯობს, მაშინ ნამდვილი პატრიოტი ყოფილხარ!

აი, თუ ფეხბურთის თავგადაკლული გულშემატკივარი ხარ, მაშინ მარაკანას სტადიონის ნახვისას, გულისცემა კიდევ უფრო აგიჩქარდება, რადგან ამ ადგილას იწერება ფეხბურთის ისტორია. იპანემას სანაპიროზე ბურთის გორაობა ადგილობრივების ცხოვრების წესია, რომელსაც აუცილებლად უნდა შეუერთდე.

იაპონია

ტოკიოს ცათამბჯენების ქუჩებიდან კიოტოს უძველეს ტაძრებამდე მანძილს, ზეჩქაროსნული მატარებლით 2 საათსა და 20 წუთში დაფარავ. ამიტომაა ეს ქვეყანა ძველისა და ულტრათანამედროვე ცხოვრების სინთეზი. მნიშვნელობა არ აქვს ანიმეს გამო გიყვარს იაპონია, საკურას ყვავილობა გიზიდავს, თუ უბრალოდ გემრიელი, ავთენტური სუშის გასინჯვის ინტერესი გამოძრავებს, ამ ქვეყანას შეუძლია ყველანაირი ემოცია მოგცეს.

თანამედროვე ფუძიამას მთა ყველაზე პოპულარული ქავერის ფოტოა, შენ კი საკუთარი გადაღებული გექნება, თუ ერთხელ მაინც ესტუმრები იაპონიას.

კენია

ამბოსელის ეროვნულ პარკში ტელეფონის სტანდარტული მაღვიძარას ხმას თამამად ჩაგინაცვლებს ნამდვილი ლომის ღრიალი. კემპინგისას აუცილებლად მოგიმზადებენ ძლიერ კენიურ ყავას და საფარის ტურისთვის სამყოფი ენერგიაც გარანტირებული გექნება. გიდის თანხლებით და ჯიპებით უცბად აღმოჩნდები დაცულ ტერიტორიაზე, სადაც ყველა იმ ცხოველს ნახავ, რომლებსაც აქამდე მხოლოდ ვოლიერს მიღმა ხედავდი. ამ ემოციების მთავარი დასასრული კი, კილიმანჯაროს მწვერვალია.

ინდონეზია

შემთხვევითი არ არის, რომ ჭამისა და ლოცვის შემდეგ, ჯულია რობერტსის გმირი სიყვარულის საძებნელად ბალიზე ჩადის. აქ ყველა თავის პერსონალურ სამოთხეს და დღის რუტინას პოულობს: აქტიური დასვენების მოყვარულებიც და სანაპიროზე საათობით რუჯის მიღების მოყვარულებიც.

უზარმაზარი ვილის ქირაობაც შეგიძლიათ ხელმისაწვდომ ფასად, რომელსაც საკუთარი აუზიც ექნება. ბალის თეთრქვიშიან პლაჟებზე გადასაადგილებლად იდეალური ტრანსპორტი მოპედია.

მაროკო

აფრიკის კონტინენტის ეს ქვეყანა მსოფლიომ ხელახლა პოპულარული, ბრაზილიური სერიალის კლონის გამოსვლის შემდეგ აღმოაჩინა. ჟადეს და ლუკასის სიყვარულს გულშემატკივრები საქართველოშიც ბევრი ჰყავდა.

ცოცხალი და ხმაურიანი მარაკეში აღმოსავლური კულტურის ნამდვილი ნაზავია: მრგვალი მოედნები, მწკრივად ჩაყოლებული სუვენირების მაღაზიები და უგემრიელესი კერძები ყოველი ფეხის ნაბიჯზე. აქვე ნახავ ყველაზე უძველეს ტყავის გადამამუშავებელ საწარმოებს. ტყავს იქვე, ნატურალურ საღებავში ავლებენ.

კასაბლანკა უფრო დასავლურია, ვიდრე მარაკეში. ქალაქის არქიტექტურაში იგრძნობა ფრანგული გავლენა: ბულვარები, საფრანგული სტილის შენობები და კაფეები.

მთავარი ხიბლი მაინც უდაბნოს ტური და მზის ჩასვლის ნახვაა. ბედუინები იქვე ცხელ ქვიშაზე გამოგიცხობენ პურს. მართალია, ცხოვრებაში ამაზე გემრიელი პურიც გექნება დაგემოვნებული, მაგრამ უდაბნოს მთავარი ხიბლიც ხომ ეგაა.

ამ ხუთიდან ნებისმიერ ქვეყანაში მოგზაურობა რეალური გახდება, თუ თიბისის კამპანიაში ჩაერთვები.

თიბისის კამპანიის — გაატარე ზაფხული შენებურად ფარგლებში, 5 მომხმარებელი, რომელიც 24 აგვისტოს ჩათვლით, სულ რაღაც 30 წამში, მობაილბანკიდან აიღებს ახალ თიბისი ბარათს და თიბისის ტერმინალებზე ყველაზე სწრაფად შეასრულებს პირველ 10 ტრანზაქციას, 10,000 ლარიანი სამოგზაურო ბიუჯეტით დასაჩუქრდება და რაც მთავარია, ტურს თავადვე დაგეგმავს. გადაწყვეტს სად, როგორ, რამდენი ხნით და ვისთან ერთად გაემგზავრება.

კამპანიის პირობების თანახმად, არც დახარჯული თანხის რაოდენობას აქვს მნიშვნელობა და არც ტრანზაქციების ფორმაში ხარ შეზღუდული. შეგიძლია ელვის სისწრაფით ჩამოუარო მოლში არსებულ მაღაზიებს ან უცბად გამოწერო კალათში დაგროვებული საყვარელი ბრენდის ტანსაცმელი. ერთადერთი საზრუნავი მოგზაურობის სთორებისთვის შესაფერისი საუნდტრეკის პოვნა გექნება, ფილტრიც კი არ არის საჭირო.

თუ კამპანიაში ჩართვა და ამ შანსის გამოყენება მოგინდება, დეტალური პირობები, შეგიძლია ნახო აქ.