რამდენიმე დღის წინ, ლოს-ანჯელესის საგამოძიებო უწყებამ მსახიობის კერი ფიშერის სიკვდილის მიზეზი გაასაჯაროვა.

როგორც ოფიციალურ დოკუმენტში ეწერა, კერის გარდაცვალების მიზეზი "სხვა უცნობ მიზეზებთან“ ერთად, ასფიქსია გახდა.

უკვე დღეს ექსპერტებმა ახალი დეტალები გაახმაურეს და დაადასტურეს, რომ ამერიკელი მსახიობის ორგანიზმში კოკაინის, ჰეროინისა და ექსტაზის კვალი აღმოაჩინეს.

დოკუმენტში წერია, რომ მსახიობმა გარდაცვალებამდე ოთხი დღით ადრე მიიღო კოკაინი, რაც შეეხება ჰეროინსა და ექსტაზის, ჯერ-ჯერობით უცნობია როდის მიიღო კერიმ ეს ნარკოტიკები, სწორედ ამიტომ ექსპერტები ვერ ამბობენ შეეძლო თუ არა რომელიმე მათგანს მსახიობის სიკვდილის მიზეზი გამხდარიყო.

ამასთანავე ცნობილია, რომ ფიშერს გულის ათეროსკლეროზული დაავადება ჰქონდა და ამის გამო სხვადასხვა პრეპარატს იღებდა, თუმცა იქვე განმარტავენ, რომ ამას მსახიობის გარდაცვალებასთან არანაირი კავშირი არ აქვს.

შეგახსენებთ, რომ კერი ფიშერი ვარსკვლავურ ომებში პრინცესა ლეიას როლით არის ცნობილი. ის 2016 წლის დეკემბერს 60 წლის ასაკში გარდაიცვალა.