რამდენიმე დღის წინ, ჟურნალისტი ადამ ჰარვი, რომელიც ფილიპინებში ISIS-ისა და ადგილობრივი ძალების დაპირისპირებას აშუქებდა ყელში დაიჭრა.

მას, როგორც ყველა სხვა ჟურნალისტს, ჯავშანჟილეტი ეცვა, ჩაფხუტი ეხურა და ინციდენტის მომენტში ე.წ. უსაფრთხო ზონაში იმყოფებოდა.

ის მაშინვე გადააფრინეს მანილაში და ტყვიის ამოღების ოპერაცია ჩაუტარეს, რომელიც საძილე არტერიას სულ რაღაც 1 სანტიმეტრით ასცდა.

ადამმა თავისი რენტგენის ფოტო ტვიტერზე გამოაქვეყნა.

"იღბლიანი ვარ", წერს ადამი ტვიტერზე.

მას საავადმყოფოდან რამდენიმე დღეში გამოწერენ, ხოლო ტყვიას, რომელიც მისი სხეულიდან ამოიღეს, ჟურნალისტი სამახსოვრო სუვენირად დაიტოვებს.