ამის შესახებ საფრანგეთის პრეზიდენტმა გერმანიის კანცლერთან შეხვედრისას გამართულ ერთობლივ პრესკონფერენციაზე ისაუბრა.

რატომ არის მნიშვნელოვანი: ბოლო დღეებში უკრაინა, შეერთებული შტატები და დიდი ბრიტანეთი გერმანიას მოუწოდებენ, კიევს ლეოპარდ-2-ის საბრძოლო ტანკები გადასცეს.

  • მიუხედავად მზარდი საერთაშორისო ზეწოლისა, გერმანიას ჯერ გადაწყვეტილება არ მიუღია.
  • მაკრონი უკრაინისთვის ტანკების მიწოდებაზე ალაპარაკდა: "მე ვთხოვე თავდაცვის მინისტრს ლეკლერკთან დაკავშირებით მუშაობა. არაფერია გამორიცხული", — განაცხადა მან.
  • თუმცა ხაზგასმით აღნიშნა, რომ ეს ქმედება შეთანხმებული და კოორდინირებული უნდა იყოს სხვა მოკავშირეებთან, მათ შორის გერმანიასთან.

დეტალები: ამავდროულად, მან უკრაინისთვის ტანკების გადასაცემად სამი პირობა დაასახელა:

  • ამგვარმა ნაბიჯმა არ უნდა გამოიწვიოს კონფლიქტის ესკალაცია.
  • ეს უნდა წარმოადგენდეს უკრაინისთვის წარმოადგენს რეალურ და ეფექტურ დახმარებას.
  • ამ ქმედებამ არ უნდა შეასუსტოს საფრანგეთის თავდაცვის პოტენციალი.