საქართველოში ორი მიწისძვრა მოხდა. დედამიწის შემსწავლელ მეცნიერებათა ინსტიტუტის სეისმური მონიტორინგის ეროვნული ცენტრის ცნობით, 17 წუთის ინტერვალით ახალქალაქიდან ჩრდილოეთით 20 და 21კმ-ში ორი მიწისძვრა მოხდა. პირველი მიწისქვეშა ბიძგები თბილისის დროით 08:52 საათზე დაფიქსირდა ახალქალაქიდან ჩრდილოეთით 20კმ-ში, სოფელ ბეჟანოში. მიწისძვრის სიმძლავრე 4.2(ML) მაგნიტუდა იყო.

განმეორებითი ბიძგები თბილისის დროით 09:09 საათზე დაფიქსირდა ახალქალაქიდან ჩრდილოეთით 21კმ-ში, სოფელ ბეჟანოში. ამ შემთხვევაში მიწისძვრის სიმძლავრე 3.1(ML) მაგნიტუდა იყო.