ამის შესახებ ამერიკული გამოცემა ანონიმურ წყაროებზე დაყრდნობით იუწყება.

რატომ არის მნიშვნელოვანი: აშშ ყირიმს უკრაინის განუყოფელ ნაწილად ცნობს, თუმცა სრულმასშტაბიანი ომის დაწყების დღიდან მკაცრ პოზიციას ინარჩუნებს და უარს ამბობს, კიევს ყირიმზე თავდასხმისთვის საჭირო იარაღი მიაწოდოს.

  • ამჯერად, საერთაშორისო გამოცემა ამერიკის ოფიციალურ პირებზე დაყრდნობით წერს, რომ უკრაინის მაღალჩინოსნებთან რამდენიმეთვიანი დისკუსიის შემდეგ, თეთრ სახლში ამ საკითხზე პოზიციის შერბილება დაიწყო.
  • 2014 წელს რუსეთის მიერ ანექსირებულ ყირიმში, რომელსაც პუტინი რუსეთის წარსული დიდების აღდგენისკენ სწრაფვის განუყოფელ ნაწილად მიიჩნევს, ათიათასობით რუსი სამხედრო და არაერთი რუსული სამხედრო ბაზაა განთავსებული.

დეტალები: NYT-ის ინფორმაციით, ბაიდენის ადმინისტრაცია განიხილავს არგუმენტს, რომ კიევს ანექსირებული ნახევარკუნძულის დასაბრუნებლად ძალა სჭირდება.

  • ანონიმური წყაროები ჰყვებიან, რომ აშშ-მ, შესაძლოა, გადადგას ერთ-ერთი ყველაზე თამამი ნაბიჯი, რომელიც უკრაინას ყირიმზე შეტევაში დაეხმარება.
  • ამერიკელ მაღალჩინოსნებს მიაჩნიათ, რომ თუ რუსეთი ყირიმზე კონტროლის დაკარგვის რისკს იგრძნობს, ეს ნებისმიერ მომავალ მოლაპარაკებებში კიევის პოზიციას გააძლიერებს.
  • როგორც სტატიაშია ხაზგასმული, საუბარი ჯერ კიდევ არ არის უკრაინისთვის რაკეტების მიწოდებაზე, თუმცა განიხილება ომში მყოფი ქვეყნისთვის HIMARS MLRS-ისა და ბრედლის ჯავშანტექნიკის გადაცემა, რაც ნახევარკუნძულის ძირითადი მომარაგების მარშრუტებზე, მათ შორის, ყირიმის ხიდზე, თავდასხმისთვის გამოდგება.