"გახარია — საქართველოსთვის" ლიდერი, გიორგი გახარია საქართველოს მოქალაქეებს ახალ წელს რუსთაველის გამზირზე მიმდინარე აქციიდან ულოცავს.

გახარიას თქმით, ის სულისკვეთება რომელიც რუსთაველზე სუფევს, არის გარანტი რომ " ავაშენებთ სამართლიან, თავისუფალ, დემოკრატიულ და ევროპულ სახელმწიფოს".

"გილოცავთ ახალ წელს, გისურვებთ ბედნიერ, წარმატებებით სავსე, ჩვენი სამშობლოს გამარჯვების წელს და ის ერთიანობა, ქართული ნამდვილი ეროვნული სულისკვეთება, რომელიც დღეს რუსთაველზე სუფევს, არის გარანტი იმის, რომ ჩვენ აუცილებლად გავიმარჯვებთ, ჩვენი ქვეყანა აუცილებლად გაიმარჯვებს და ზუსტად ისე, როგორც ჩვენ წარმოგვიდგენია, ავაშენებთ სამართლიან, თავისუფალ, დემოკრატიულ და ევროპულ სახელმწიფოს. გილოცავთ!", — ამბობს გახარია სოციალურ ქსელში გავრცელებულ მისალოც მიმართვაში.