ახალქალაქისა და კუმურდოს ეპარქიის მიტროპოლიტი მეუფე ნიკოლოზის თქმით, ილია II-ს "საუბარიც შეუძლია და გალობაც".

"რეგენტი არის და 2-ში საღამოს, რომ მივედიო რამდენიმე საათი არ გამომიშვა პატრიარქმაო და ერთად ვიგალობეთო. მე ვეუბნებოდი, დაისვენეთ რაღაცა, მაგრამ არ მიშვებდაო არაფრით. მაგალობა და რამდენიმე საგალობელი ესე ორ ხმაში შევსრულვართ. საუბარიც შეუძლია, გალობაც შეუძლია. გალობა, ჩვენც ვიგალობეთ ერთად.

მე არ დავასახელებ წყაროს, მაგრამ ერთ-ერთი ცნობილი პოლიტიკოსის ცნობილი ფრაზაა, რომ "გვინდოდა, როგორ უკეთესადო და გამოვიდა როგორც ყოველთვისო" არა რა პროვოკაცია, ვიღაც რაღაცა ვერ ქნა. პატრიარქის გადადგომა გამორიცხულია, ეგ დაივიწყოს ყველამ", — ვკითხულობთ TV პირველის მიერ გავრცელებული კომენტარში.

მიტროპოლიტმა ეს ჟურნალისტების იმ კითხვების პასუხად თქვა, რომელიც პატრიარქის 2025 წლის საახალწლო მილოცვის გაყალბებას და ამ გაყალბების მიზეზებს ეხებოდა.

ილია მეორის 2025 წლის საახალწლო მილოცვა საპატრიარქოს ოფიციალურ გვერდზე გამოქვეყნდა.

მოქალაქეებმა ეს ვიდეო გააკრიტიკეს და თქვეს, რომ ვიდეო 2023 და 2024 წლების მილოცვებიდან არის დამონტაჟებული და არ არის ახალი, რაც მოგვიანებით დაადასტურა საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ.