შინაგან საქმეთა სამინისტროს ინფორმაციით, საქართველოდან აძევებს უცხო ქვეყნების 25 მოქალაქეს, რომლებიც, უწყების თანახმად, ნოემბერ-დეკემბერში გამართულ საპროტესტო აქციებში მონაწილეობდნენ. შსს-ს ცნობით, ათმა მათგანმა ქვეყანა უკვე დატოვა. შსს-ის მიგრაციის დეპარტამენტმა 2024 წლის ბოლო ორ თვეში საქართველოდან 91 სხვადასხვა ქვეყნის მოქალაქე გააძევა.

უწყების თანახმად, მათ შორის იყვნენ ირანის, ალჟირის, ინდოეთის, მაროკოს, შრი-ლანკის, ეგვიპტის, პაკისტანის, ნიგერიის, ერაყის, თურქეთის, აზერბაიჯანის, რუსეთის, თურქმენეთის და სხვა ქვეყნების მოქალაქეები.

მედიისთვის მიწოდებულ ცნობაში მიგრაციის დეპარტამენტი აღნიშნავს, რომ ამ 91 მოქალაქიდან 25 იყო ისეთი, რომელიც ნოემბერ-დეკემბერში თბილისში საპროტესტო აქციებში მონაწილეობდა და ადმინისტრაციული სახდელები შეეფარდათ.

დეპარტამენტი არ აკონკრეტებს, რომელი ქვეყნის მოქალაქეები იყვნენ ისინი, თუმცა დასძენს, რომ ათმა მათგანმა საქართველო უკვე დატოვა.