6 იანვარს, 20:30 საათზე, 5 სხვადასხვა ლოკაციიდან ქაშვეთისკენ მსვლელობა გაიმართება.

"დღეს, როცა რუსთაველი იქცა ჩვენს სახლად, შობის დღესასწაული ერთმანეთის გარეშე წარმოუდგენელია. მოდით, სინათლის მდინარეებად მოვეფინოთ ქუჩებს და ერთად შევხვდეთ მაცხოვრის შობას ქაშუეთთან.

წამოიღეთ ერთჯერადი ჭიქები და სანთლები. სახლში დატოვეთ საყვირები და სასტვენები.
შეკრება დაიწყება ქალაქის რამდენიმე წერტილში, 6 იანვარს, 20:00", — ვკითხულობთ ჯგუფ "დაიტოვეში".

მსვლელობა გაიმართება შემდეგი ლოკაციებიდან:

  • სამების საკათედრო ტაძარი
  • წმ. მიქაელ მთავარანგელოზის ეკლესია
  • საბურთალოს წმ. კვირიკე და ივლიტას სამრევლო
  • ვაკის მაცხოვრის ფერიცვალების სამრევლო
  • მეტეხის ღვთისმშობლის შობის ტაძარი

ყველა ჯგუფი ერთდროულად დაიწყებს მსვლელობას 20:30 საათზე ანთებული სანთლებითა და ალილოს სიმღერით.