როგორც საქართველოს სხვა ქალაქებში, პროტესტი ბათუმშიც გრძელდება. უწყვეტი პროევროპული აქციების 38-ე დღეს ზღვისპირა ქალაქის მაცხოვრებლები საკონსტიტუციო სასამართლოსთან შეიკრიბნენ.

ბათუმელების პროტესტის მოთხოვნა რუსთაველის გამზირზე მიმდინარე საპროტესტო აქციების მოთხოვნების იდენტურია — დემონსტრანტები ითხოვენ ხელახალი არჩევნების დანიშვნას, უკანონოდ დაპატიმრებული მოქალაქეების გათავისუფლებას და ძალადობაზე პასუხისმგებელი პირების დასჯას.